WWW.TUNGZANGNEWS.COM

 
Picture
Pasian in Zomite thupha hong piakna tawh kizui-in, laphuak le lasa siam zong i kibehlap zel a, Music Album Video a bawlkhia zong kitam semsem hi. Tuate' sungah India gam Bangalore khuapi a om Zomi lasiam minthang pawlkhat kigawm khawmin abawl uh Bangalore Zomi Collection cih Music Album thak pen August 12, 2012 ni ciangin honna (Release) thupitak nei ding cih kiza hi. Tua Album thak honna ah tulaitak Indian Defence Estate Service, Wellington Cantonment ah (CEO) asem Tv. Stephen P. Do Khan Lun in honna neihsak dinga, honna akineih khit phetin 12th August 2012, Bangalore Zomi Freshers' Meet 2012 hun ah kizuak pah ding cih kiza hi.

Hih Music Album Video ah La dawng 14 pha a, Tg. Muanlal la MP3 7 Bonus late zong kibehlap lai ci hi. "State of Art videography leh visual effects zang a kibawl hi-in Editing, Videography, Sound cihte zong Bangalore tualsuak liau-liau ahih manin hoih mahmah ding hi " ci in Miss Call khat bek a bawl Minthang Guite in gen hi. Lasa te lakah Lelte Award pahtawina angah ngei lia Mawibiaklian zong kihel ci hi. Tua banah Nem Muan Kim, Rody, P. Lalboi Zo leh lasiam tuamtuamte' lasakte kihel cih kiza hi. Bangalore Zomi Collection Album Video- tomno hih laiah kimu thei hi. www.youtube.com/watch?feature=player_embedded&v=jSIRMcSBc5U#!


Posted by: Tongsan Media Group


 


Comments




Leave a Reply