WWW.TUNGZANGNEWS.COM

 
CNA Galkap ding Zomi 8 lut uh Hih thupen Group dangdang leh Website, Blog, Webpage cihte ah koihding khaksawn ding ki phallo hi. Minam vai gamvaiZominambup Infozominambup@gmail.com ah hong zasak zel un.

CNA te lak mi 8 tengin:

1.Thang Khen Kap(kum 17) s/o Pau Lian Mang tungdim beh Geelmual Khua.

2.Hau Khan Pau(kum 19) s/o Pau Suan Thang tungdim Geelmual.

3.Kham Hau Lian(kum 20)s/o Thang Lian Kap tungnung Geelmual.

4.Khup En Mang(kum 17)Kham Lam Thang taithul Geelmual.

5.Hau Sian Khai(kum 18)s/oKhan Cin Khup mantuang Geelmual.

6.Hau Khan Lian(kum 18)s/oPau Suan Khai Geelmual.

7.Thang Deih Pau(kum 17)s/o Kham Tung Thang Geelmual.

8.Thang Do Lian Mung(kum 18)s/o Mang Suan Pau Geelmual(tun Tonzang) teng ahiuhhi.

Athu omdan.Tukum March kha sungpen Budozer leitoset tawh Nakzang-Khianglam-Geelmual lampi kito in tangtha kikuan denhi.

Tua hunsungin Laang Hau Lian@haukang khuavung leisan veng Tonzang khua atengin CNA alutding mi zongzong napi in hidanin genhi. Mizogam khaguk sung nasem ding leuhcin motorcycle khat leh motor hoih mahmah khat hong kipia dingin abawl siamding hawltheih pah dinghi uhteh. Paiman leh pocket money zong ko hong ngaihsut sak pahding hiung cihi.Tua thu pen Geelmual a tangval ten azak uhciang uk/ut mahmah uh ahimanin nulepa te phal leh phalloh zong kidong nawnlo in 18.March 2012 ni in atangtha kuan na uh gamlak pan Siazy Haukang in Tonzang lamah paipihin tuazan ama inn-ah giak pihhi. 19.March2012  ni zing khuavak ma in Jeep motor(a number theilo) tawh Tedim pai in Lamzang lamka Hotel khat ah an anek khit uhteh asak a innlian pi ah omsak hi.

Tualai ah Geelmual khua ZBA Pastor.Pau Suan Thang nahawh mah hiven Mizogam sum thalawh ding leh sum aneih lohlam uh agen uhteh Sia Thang in hoihsa leh hehpih huaisa ahimanin mikhat sum 1000ks ciat pia in lungnuam takin paisan hi. Sun kim pawlin Motor mah tawh Haimual Ciau lam zuanin pai leuleu uha, nitum main Ciau tung uhhi.Ciau panin Haukang in ciahsan tahi. Ciau panin amakai pipa tello in motor mahtawh paisuak in Aizawl zantun uhahimanin bangci khuahiam cih theician lo uhhi.Hilai ahzong zuausan pi kihel pahhi.Ciau pan Aizawl pen motor tawh nai 10 sungbang kitai hiven amau paina Aizawl khuapen koilai Aizawl ahitam thei zolo uhhi.

Tua khuapan Motor mahtawh pailai in khuaneu/ta khat ah tuak uha, tuapan khepai in paitoto in paisuk leuleu uha luilian(Ciau cia khong alian)geiah giah phual(sakhan chiah)uhhi.A zingciang akipanin singkhuah anhuan na sing tom kipanin CNA galkap thautawi thum in cingden pahhi. Ani 4 ni ciang hunlem amuh laitak un Haukhanlian, Thangdeihpau leh Thangdolianmung teng taisim uhin gamsungah nithum leh zanthum sung buphot uhhi. Abuk na uhpan apaipai uhleh khuata khat tungin innkhat ah lut in an anget leh innteek ten hehpihhuai salua ahicianga anpia in amauzong gilvak takmahin neuhhi.Tua khua pan apaipai uhlehKhalkha mi Pastor innkhat ah tungkha uhhi. Pastor pa in motor tuan nading pia in Tedim tung uhhi.

Tedim pan Geelmual ciang khepai uh in March beikuan ciangin inntung kikthei uhhi.Tua aciah kik mi 3 te in tuni dongin lau in khual nangawn zinngam nailo uhhi. Hih thuhangin Tonzang Police te in Tangval te pate leh hausate vei 5 tak Zum ah samin thusit sitin nulehpa khuasung upa hausa te phalna tawh pai ahilam atel uhteh case thubawl sak lo uhhi. A ciah theinai lo mi 5 te omna leh asi maw ahingmaw koi ah om cihzong tuni dongin kithei zonai lohi. CNA ten ong gawhsak khin ahi khatam ci uh hi. Amau tezongin Champhai Aizawl cih khawngah pai kawikawi uha,innlam ah Thunget na tawh ahithei bangbangin kipang hi.

Zomi te haksatna leh launa linna patauh dipkuatna leh ihnuntak na ngawn lauhuai dinmuna hongkoih Haukang leh CNA te pen Zomi te in theiloh bawlin ommawk in Pasian khut ah apmawk ding ihihiam? Zomi te minam lian mipil misiam mihangsan ihihna koi ah zangtuanding ihihiam? ZOMI te aw hihthu bangci ngaihsutin vaihawm leng hoihding ahihiam?

Mapan danding ki kupto cia ni.

Zominambup Infozominambup@gmail.com

 


Comments

09/09/2015 06:18

Huh .., na Haukang cih uh pen ZoMi mah maw ai kei Leh miman dang ai hia ...thei nuam sing e ...a teng na khia Leh mun tawh Hong hilh ve lawm ..hih bang mihing ..

Reply
alex donkhup
09/09/2015 06:21

Tungzang hausa khat Leh ii ZoMi pih te Hong sim mawh te kiang ah en ii Minam pih te va apap ding maw Leh huai .....

Reply



Leave a Reply