WWW.TUNGZANGNEWS.COM

 
Picture
Tuithang ah innkang in mi nih kang tum

All,

Mun tuamtuam a om Zomi pihte thu hoih kizak sak bel nop pen mah
ven, thusia a pian ciang zong theih huai veve cihna tawh
25/08/2012(Sani Ni) Zani tak in Tuithang ah sih dan lungsim nop mawh
huai tak in mi-3 in hong nusia vat uhi.

1- Pa Thang Khan Mung leh a sanggampa Pa Kap Khen Thang
te a unau un a naupa Pa Kap Khen Thang inn ah kitawng uh a kikhut
khial kha in a U Pa Thang Khan Mung in leitung a nuntak na hong
beilawh hi.

2- Adang te pen Pa Pau Khan Lal pen Mizoram ah vanzuak
in a omlai tak hi in a inn kuanpihnu Nu Dal Khan Cing pen phone tawh
hopih ding in asap sak hi aa, Nu Dal Khan Cin in a tate 2 a hi Tg. Kap
Sian Tuang Kum 8 leh Tg. Nang Khan Thang kum 4te nusia pak aa tua kawm
in a vok-ann ding thuk tung huansa in nusia kha. Phone len ding a pai
kal in a Inn uh na kang mawk in a nusiat pak a Tano 2 ten a leitung
nuntak na uh hong nusiat san cih thu.

A kisi ding vive hi mah ta lehang ei leitung lungsim
ngaihsut na tawh sih hun nailo pipi leh sih dan atuam pian deuh in
zankhat/nitak khat in hong nusia hih mi mal 3 te hang in i lungsim
nuam phat hetlo hi. Thu hoih hita kei leh zong thu khat peuh apian
zawh a sawt lo in thei leng nuam cihna tawh hausa pa hong genna bangin
kongsuaksak hi.

Hih Innkangte tawh kisai-in a maupen inntuan cil hi aa, inn a kat
ciangin tuibuuk tawh kilam pak inn ah a tate gel kivui hi. Hih a tung
aa thu piangte gel pen a hun a nai leh a sihni a kibang lian ahih
manin a lamdang thu khat ahi hi.

Innkang tawh kisai-in a kua mapeuh in lainat ding ihih manin panpih ciat ni.

Nung Sian Tuang
Tedim




 


Comments




Leave a Reply