WWW.TUNGZANGNEWS.COM

 
Picture

DAHNA PULAKNA (Condolences):

US gam, Oklahoma State, Oklahoma City khuapi a teng, Tg. Peter Gin Lam Sum in lam-etlohpi in, October 4, 2013 (Friday) ni in, a omna inn phualzang panin, a leitung nuntakna hong nusiatsan ahih manin, ama hong nusiatna hangin a dah akap, a innkuanpihte, meeltheih tanaute, khuapi tuipihte leh a pawlpi mite tawh a kibang in Zomi Innkuan USA kipawlna, Executive Committee pawlzong nakpi takin kidah hi.

Tg. Peter Gin Lam Sum pen Zogam,Tonzang khuapi a teng  Pa Pum Go Thang (Ngaihte Hautual) leh Nu Goih Hen Cing (Tawmging)-te sung pan a piang, ta (10) sung pan a (4) na hi a, Oklahoma City khuapi ah a sanggamnute innkuan tawh a omkhawm ahi hi. Ahong nusiat laitak in kum (34) cingta a, a khanglai khangno tangval mi kician khat ahih ban-ah, tu kum sung in US Citizen a suak Zomi khat ahi hi. Nasep hanciam in a kuhkal khat ahihna tawh kituak in, Oklahoma City a om Zomi atam zawte’ nasepna, Balon Company Team Leader za angah makai khat ahi hi.

Tg. Peter Gin Lam Sum luanghawm pen October 12, 2013 (Saturday) ni ciangin RC Pawlpi ngeina bangin vui ding geelna kinei a,  ahun ding RC pawlpi lampan Siampi te gelsak na bang in, ahun lap ding in inntek tanu te in mipi theihding in tang ko ding uh hi.

Tg. Peter Gin Lam Sum hong nusiatna hangin adah akap nu leh pa, sanggam tanau meltheih, khuapih tuipih, beh leh phungte, pawlpi mite tungah ih biak Pasian in a Khasiangtho hehnepna hong piaksakna dingin thu ka ngen uhhi.

Dahna tawh;

Executive Committee

Zomi Innkuan USA, Inc.

October 6, 2013.


 


Comments




Leave a Reply