WWW.TUNGZANGNEWS.COM

 
Picture
Dahpihna from Zomi Innkuan Norway


Date: 17.October.2013

Zomi Innkuan Norway ( ZIN ) pan Dahpihna lai

Gin leh lamet hetloh laitak in Zomite’ i zuapa Rev. Dr. Chin Do Kham in atenna gam USA pan hong nusia cih thu kazak uh ciang in linglawng in dah in lungzinna meipi in hong tuam hi. I Zomite’ aksii pi aw tual nong kiat ni in i mipihtampite’ dah in kap in lungneu in zaitha patbang hongnem lawh ung.

Pasian le i minamte na itman in GZA i lungtup ahi ‘Zomite’ a bucingkhantoh theihnading lunggulhna tawh naneihsa, nathatang hunle nite ban ah nasiamnate siitlo in agimtheilo atawltheilo mahbang in  i gam i lei ah namapatna,na naseplian tampite le na makaihna tampite in i mipihte a bucing khantohna ding in lamhongpipa, lamlak aksipi taktak na hi hi.

Pasian le i Zomite’ a ding in na hutawpdong sitlo in cihtakna,itna,lainatna tawh nasepkhiatsa tampite in I Zomite’ tangthu ah a ki gengen ding tangthu le etteh tawntung ding makai muanhuai na hi hi.

Zomite’ Paunak in ‘mihing le papo’ acihzah khat in nuntakna tomno leitung ah i zat khawm hang in na nuntak hun sung in Pasian le minam a ding in khathu le taksathu ah alawhcing khaici vawh pa’ na hi hi. Na khaici vawh thaman i Pasian kiang ah na-at kikta ding hi.Leitung ah aomlai ko na mipihte in na khaici tuhsa te’ pung in gahpha a hong picing taktak theih nading in tuibuak in hahin zuun in khutkilen khawm in ka na kemcing ding uh hi.

Zomite’ zuapa Rev. Dr. Cin Do Kham itna, pahtakna, phawkna le dahna lianpi tawh!!!

Zomi Innkuan Norway ( ZIN ) tang in

Pa. Mang Dal Sian Mung Guite

President

Zomi Innkuan Norway 


 


Comments




Leave a Reply