WWW.TUNGZANGNEWS.COM

 
D.C Area ah Dr. Chin Do Kham' Memorial Service picing takin bawlna leh Dr. Kham ii luanghawm vai Report pawlkhat piakna

Hong nusia i makaipi Dr. Chin Do Kham ii Tanu Lia Mary Kham leh Atupa Pa Mangsen te vai teng hong vaan dingin October 14, 2013 ni in D.C Area ah hong pai uh aa, Zomi Innkuan D.C makai pawlkhat leh Zomipih pawlkhat te in BWI Airport ah va dawn thei uh hi. Zomi Innkuan D.C min tawh sun an nekna kineihpih aa, tua zawh ciang Dr. Kham hong nutsiatna Motel ah van la dingin kipai thei in vai tampi kivaan zo hi. Tua zawh ciangin Dr. Kham ii luanghawm koihna Forensic Medical Center, Baltimore ah kipai suak thei aa, luanghawm et ding kihanciam hi mah ta leh vai tuamtuam hangin kien thei nailo suak hi. Dr. Kham ii luanghawm pen D.C Area ah ni khat tei tei et (view) theih ding cih Zomi Innkuan D.C maikai lam pan hih theih zah in a hanciam hi mah ta leh hong lem zolo suak phot hi. Kumpi lam thu pai dan tawh kizui in Dr. Kham ii luanghawm pen Baltimore Police/funeral home te leh Tulsa Police/funeral home te direct in hong kizom in hongpuak (transport) dinguh aa, tu nipi sung kipuak thei dingin kilam en hi. 

October 14, 2013 nitak in Dr. Chin Do Kham ii Memorial Service pen  Bethel A.G Church ah picing takin kibawl aa, tualai ah D.C Area (VA, MD, DC) kiim aa om Zomite leh minam tuamtuam te, sak leh khang pan  mi tampi hong kihel thei uh hi. Tua hun sungah Pa Albert Pau Za Lian (Treasurer, Zomi Innkuan D.C) in Chairman hong sem aa, Opening Prayer - Rev. Cin Do Thawng (SBMC); Special Speech - Pu Ngo Cin Thawng (Advisor, Zomi Innkuan D.C); Words of Thanks from the Family - Lia Mary Kham, Pa Mangsen; Special Prayer for the Family - Rev. Suan Khan Mang (ZCCC); Dr. Kham ii Biography simna - Rev. Dr. Zam Sian Khai (EBC): tua hun sung in Dr. Kham ii memorial Photos te Projector tawh kilaak; Special Speech - Dr. Do Khan Khup (General Secretary, Zomi Innkuan USA); Special Speech - Pa Dong Khan Khup (Advisor, Zomi Innkuan D.C); Hehnepna Lasakna - Pa Suan Lian leh Lia Taa Lam Cing (Taapi); Sermon - Rev. Lian Khan Kap (ZMC); Lungdam koh thu genna - Pa Nang Sian Thang (President, Zomi Innkuan D.C); Closing Prayer - Pastor Lal Pui Cung (Bethel Burmese AG) ten hong nei uh aa, hun te 10:00 PM kiim in picing takin kibawl zo hi.

I Zomi Makaipi Dr. Chin Do Kham in lamet lohpi in hong nutsiatna hangin Leitungbup Zomi te khitui luangin kidah mahmah aa, "Zogam Aksi pi khat" kia ahih manin na kisa mahmah hi.  Dr. Kham ii hong lamlahna leh hong thu hilhna bangin Zomi te i kalsuan zawh nading leh Dr. Kham ii lunggulhna ahi Zomite pumkhat suak aa, i kalsuan zawh nang Pasian in Zomite thupha hong pia ta hen. Topan aom lai Dr. Kham ii innkuanpih te hehnepna hong pia ta hen.

Information Department
Zomi Innkuan D.C (D.C Area) - Zomi D.C
 


Comments

You certainly touched on some key points.

Reply
08/18/2014 08:31

I am very happy to read this article.

Reply



Leave a Reply