WWW.TUNGZANGNEWS.COM

 
Dr.Do Kham hong nusiatna tawh kisai itna dahpihna lai kipawlna a tuamtuam leh mimal akuamapeuh in nong puak ciatciat manun lungdam hong ko hi ung.

Keima hihtheih zah mah a ciamteh ciatciat ka hi a, thukhat panin a vuihun ma-in a detail in hong zasak man kim lo, leh hong thukik man kim lo ka hih manin hong na theisiam photphot un, cih kong thuum nuam hi.

Bulletin leh ama lim, Vinyl khawng tawh a tuamtuam bawlna leh innsung vai tawh kitaklah lua mahmah ka hih manun mailam ah a kicianin kong zasak ding uh hi

Tuni sihvui hun ah a diakdiakin kipawlna min tawh dahpihna laikhakte leh a munmun ah gentuhpihna neihna (ka ciapteh khak man teng) mipi mai ah zaksak hamtang dingin ka na ciamteh uh hi. A kipulak kha lo pawl khat om thei kha meek ding ahih manin kitheisiam photphot ni; mailam ah a manpha mahmah na kammalte uh laibu sung ahi a, Video tawh ahizongin limtakin na ciapteh sawm hi ung, cih hi teng a kizasak hi ni.

Bulletin zong zing lam teh hong khuanung khak mai nung ei, kizo khin mah hi ven, hun in hong cin zo lo suak mawk hi. Ko ka hunbawl uh hun dekdek ta ahih manin i omna ciat pan lungkimhuaitak a a zang kim thei ciat dingin ih biak Pasian in eite tawh hong "Emmanuel" ta hen. Amen.

Na vekpi tunguh ah lungdamna hong ko hi ung.

Peter Khampu
CMedia, Kalay

 


Comments




Leave a Reply