WWW.TUNGZANGNEWS.COM

 
Sia Do Kham nung nipi sung Tulsa ah meltheihte inn khat ah ka ki muh nunung pen ni leh Lawibual ah tan 8 ka kah khop uh ki lak pen kum 30 val pha ahihmanin, a nuntakzia sungah et the huai ka sak pawl khat hong pulaak nuam ing.

Midang te a hihzawhzah in a huhnuam den khat ahihna leh a huh zawh kei ding leh zong a siang gen pah a hihna pen et teh huai mahmah ka sa hi.. Hun tam pi tak ah, sum na ngawn lei tawi liang in mi dang te ahuhna pen, a mahmah in hong genna tung tawn in ka thei hi. Vankhak hong puaksak na a ki pan in huh na tampi pen a ma tung pan ka ngah na te ka lung dam na ka pulak nuam lai hi

Midangte huhna angah ciang zong a lungdam thei mahmah khat leh midang te a huh ciang in zong lungdam koh ding pen a deih mahmah khat hi. Ei mi te kei a ki pan pen huhna I ngah eh lungdam koh ding pen ki ze kai kha den a, huh na I ngah khit ciang lungdam koh ding pen ph tawh sap ding na ngawn pen haksa I sa kha thei hi. Lungdam koh ding a ut na pen, tua bang a, lungdam koh ding haksa a sa te hong hilhna hong pat tah na khat suak ahihman in ei aa ding in ahoihkhat hi sa ing. Ei mite khat a ma huhsa tawh US tung hi napi, lungdamkohna ph na ngawn tawh a sap loh ciang in, a zin tung na inn tek pa kiang ah tua pa in hong mang ngilh ta a hiam US hong tun khit teh ci in gen zaw bible hi. Midang te US tun na dingin $ tul 10 bang ki la hi na pi aman pen lungdam koh na kician zong a ngah lo hang, huhna ngen dang a om ciangin, tua te pau lam se lo in a huh zawhzah in huh veve a hih man in, pi cin vai mahmah et the taak mahmah khat in ka mu hi.

Thu pi khol lo hi mah leh, nih vei hiam khong pen a khe dap ding ka lei sak ngei a, tua pen lung dam hong koh bek lo in, nong khedap leisak tawh kha mang thang tua zah na man khin ing ci in khat vei bek hi lo, hong pu lak zel a, a ma hong huh na te tawh tuat na in gen tak lo ahih hang in, tua bang a, a lung dam theih na pen, thu pi sa mahmah in, et teh taak zong ka sa hi.

Aman tawh man lo tawh min dai sak na leh gen siatna, ko siatna na ngawn a tuak hangin thuk kik se lo a, bang mah lo dan a, a om theih na zong, a thupi khat in ka tuat hi

A zi a ta khual lo dan khat in a ki gen phial a hi zong in a ma hong gen na ah bang lo khat ah sih na khat a neih leh a zi a ta ngah ding in ( 1/2 million bang hi leh ki lawm hong gen na cian nawn keng} life insurance a lak na pen tun a zi a ta in a ngah kha ding ahih man in,zi leh te khual na ah et the huai mahmah khat a hih na zong ki mu thei hi

Nunng in a nunung pen ka ki muh uh in, kawlgam ciah na ding vai leh India ah ei mi te kiang ah a pai na ding vai te zong gen a, hi ci vat ding ki sa het loh a hih na pen ki lang mahmah hi. Hih lai sim kha sang gam pa sanggam nu zong, lai at pa kei mah tawh ki bang in, I git neih loh lai tak mah in hih lei tung nuntak na ki nu sia ding a hih na pen, hong phawk sak kik mahmah hi. 

Na kha nuntakna aa ding in na ki ging nai hiam, lam et loh ing hih lei tung a nusia vat ding hi le cin, Na pawl pi ngeina up na te, na sang a na sin doctrine te leh na up tawm thu te tawh thu hong ki khen ding hi lo a, LaiSiangtho Pasian kammal bang bek thu hong ki khen ding a hihman in, LaiSiangtho gen bang in pianthakna taktak na ngah nai hiam, a ki um mawh bek na hiam? Zeisu su Khazih gumpa a hih na a thei ciang bek na hiam a hih kei na ai tuam Topa ding in, sang taktak khin na hiam? Zeisu gumpa ciang a, sanna bek in gupna man hong pia zo lo , ai tuam To a saan ding ki sam tektek hi. Rom. 10:10. Gupna ka ngah khit ciang in ka utut ka gam ta zong ka gupna tan kei ning a ci pawl a pang lai na hiam? tua bang na hih leh na To ding in Zeisu pen a sang nai lo na hi pah a, gup na pen a ngah nai lo mah na hi pah hi, ngah a a ki um mawh bek hi ding hi teh.

I pu masa Adam in a pu a hihkeileh a to nana khel a, dawimangpa to ding in nana sang a hih manin, eizong,dawimangpa to aa I neih na pan Zeisu Khazih pen I To ding in lungsim khempeuh tawh saan loh in a ma gup na pen a ki ngah thei lo hi. To nih bek om hi a, dawimangpa to a sang kawmkawm a, Zeisu gupna ngah ding a, ki lam et pen, dawimangpa hong khemna hi I theih ding in. Ei leh ei I ki dot ding thu pi mahmah in, tu lai tak a, k To kua hiam? Zeisu pen ki kam tawh Topa I cih pong na hi lo a(Matt 15:8,9) lungsimtak pi tawh tawh a mah bek To a I neih dinghy. Zeisu sangin bang lian zaw hiam? sumleh pai maw? mawh na khat peuhpeuh, gentehna in, a man lo a nu lehpa mawhna bawl na ( mi zi mi tanu, mi pasal, mi tapa te tawh a man lo a om khawpna, zong satna), zatui leh zu tawh pumpi siat sak na, a man lo a sum met bawlna, (Gal.5:19-21;I Cor1:6-11)?Nang na paingthak hiam? Pasian na na sem hiam? cih te hi ma sa lo,in kua a hiam na to, kua liang pen hiam na nuntakna
ah? cih hi zaw hi. Pasian sang in a lian zaw peuh peuh pen na to hi pah a, na milim, na biak pen hong hi pah a, letung nuntak sung in, Zeisu To aa saang lo pi in van tung ah a ma gam sung lut ding cih pen ki um mawh bek mah hi a, dawimangpa khemna a hih na pen LaiSiangtho ah cian tak in na gen a, I ki theih lo bawl hang in, tua bang dan in thu khen ding na hi lo, thumanthu tak bang in thu hong ki khen ding na hi zawhi. Tu ni Zeisu ai tuam To ding na ssan nai kei leh hi bang hun hoih lai tak mah in, sang in, mawhna pan, dawimangpa uk na pan Zeisu uk na ah, Zeisu bek na To ding in, na khempeuh nusia in na ciah kik ding itna tawh kong han thawn hi. Topa'n a ma it na a tel siam ding in leh a mah bek To a sang ding in a tel siam ding thupha hong pia hen. Amen
(Zeisu Khris Topa aa saan tektek lo in gupna ki ngah thei lo, you tube pan nana ngai thei hi teh)

Sia Do Kham hong nawtsiatna hang a, a dah a kap a sanggam te a lawm a gual khempeuh tung ah Topa KhaSiangtho hehnepna hong tung tahen Amen

Khris sungah na sang gam pa

Paulmung Khan
 


Comments




Leave a Reply