WWW.TUNGZANGNEWS.COM

 
Dr. R. Sanga ( Convenor of The 3rd WZC)

Tulaitak leitungbup Zomite' sungah athang vangvang The 3rd World Zomi Convention khoppi pen hungeelna omsa mah bangin, Pasian in hong tangtunpih a, October 25,2013 ni (10:00 Am) hunin, Lamka Public Ground ah Pawipi Honna hun (Inaugural Program) thupitak kinei-in, Rev. Vanmawia in hun ap  thungetna nei cih kiza hi. Tua laiah Chief Guest ding Mr.Oscar Fernades, (Union Minister of Road Transport & Highways) pen kiheltheilo banah Functional President Chief Minister zong vai tuamtuam hangin kiheltheilo sawnsawn ahih manin, Guest of Honour ahi Deputy Chief Minister Gaikhangam in The 3rd World Zomi Convention (3WZC) pawipi meivak khuampi halna (Kuan sakna) nei cih kiza hi.

Tua banah Zingmangpi a kisamte ahi; Functional President  Md. Nasir, Minister (Agri & Fishery), Guest of Honour in Dr Chaltonlien Amo, Chairman,Hill Areas Committee leh Chief Host Pu Phungzathang Tonsing, Minister (Health & FW, GAD, CADA) te zong kihelthei ci hi. Chief Guest dinga kicial Union Minister Oscar Fernandes in akiheltheihlohna thu LB Sona (Chairman of Zomi Council) tungah zaksakna laikhak ci hi. Tua alaikhakna sungah  ‘Zomite pen Pathian thupha ngah minam le Pasian a zahtak namte" i hihna thu zong gen cih kiza hi. Tua banah Zomite leitung gam tuamtuam a kithehthang in maban tuamtuam tawh nuntakna zongin, kilemna le daihna a deih minamte ahihna zong genbeh hi. A laikhakna sungah thu tampi a genban ah 3WZC Organising Committee te panpihna Rs.1 lakh piakhia lai cih zong kiza hi.

Chief Host in tuni a hibanga 3rd World Zomi Conference neih a om lunglen huai leh khasiat-huai sakthu gen a, Zomi Convention 3veina Lamka khawpi a neihtheih a om ziakin kipahthu gen hi. Unau pau le haam kitheituah ngen, tawndan kibang ngen ihih ziakun kua mah kikhen thei omlou ihi chi hi. British nuai apan India in zalenna/suahtakna a ngah hun in India leh Burma gamgi in khentuam a, guam leh mualte’n hong hal mahleh kikhenthei kuamah omlou hi’n gen hi. Mynmar a i mi isate’ sepaih/galkap vaihawmna nuai ah genthei taka a om ziakun gam tuamtuam ah kithehdalh uh ahihna zong gen hi. Zomi-te midangte adia ettontak, huat-huailou i hih ding zong lim gen hi. Lamka khuapi pen Manipur ah 2nd Town ahih banah CCpur dist. zong peaceful district kici lai a, civil society tuamtuam, security leh kuaman lemna leh muanna hih buailo dingin ngen hi. 3rd World Zomi Convention in Zomite lakah ki-itna, kitanauna leh kithutuahna thak a pianna dingin a deihsak thugen hi.

Chairman,HAC in 3WZC ah teltheih kipahthu gen a, 3WZC in Zomite sung bek hilo in nam tuamtuamte lakah kinaihsemna leh ki-itna atut deih thu gen hi.Manipur ah culture deih huai tak gun culture, bomb culture cihte om nawn kei henla, mimal khat le khat ki-itna, kinaihsemna, lemna leh muanna om den hen ci-in genin 3rd WZC khoppi panpihna Rs.20,000 , Organizing committee tungah piakkhiatna nei hi. Md Nasir in a genna ah tuni program a teltheih kipah thu gen a, Manipur ah lemna, muanna , ki-it tuahna omnan ding a Zomite’n panla ding in ngen a, 3WZC organising committee te Rs.50000 in panpih hi.

Tuni a 3rd World Zomi Convention zatna ah lapawl tuamtuam tamkhop kigawmte’n ‘Halleluijah Chorus’ sa uh a, khuallian in Souvenir & Journal (Tun Kho Pum Baite, A tullou lungtup) kichi laibu thak zong honna kinei hi. Cultural Exchange hunah Naga Cultural Troupe, Meitei Cultural Troupe & Thang-ta dance lahna om a, Cultural Exhibition hunah tribe tuamtuamte’n namlam lahna nei uhi. Zo Artist, Bawngkawn Pastor Bial Zaipawl, ICI Central Choir, EBC Lamka North Divn Choir, Mizo Cardinal Choir leh lapawl tuamtuamte’ ngaihkhiakna leng om hi.

Tua banah Pu Vungzagin Valte, Parliamentary Secy; T.Manga Vaiphei, Chairman, MTDC; Ginsuanhau, MLA (Singngat A/C); Langkhanpau Guite, Chairman ADC/CCpur; DC/CCpur, SP/CCpur, MDC-te, ZRO President Thang Lian Pau Guite, Dist Level Officer leh pawl tuamtuam a makai tamtak in uap uh hi. Mipi kikhawm tam mahmah a, vuah zulou leh nisa khauh lawlou ziakin mipi tamtak in program atawp tan in uap uhi. Special Item ah ZYA Chandel leh ZYA Mynmar te’n Zongeina namlam lahna nasiatak nei uh a, Rev Dr Sut Khan Thang i lungdamkoh thungetna tawh Openning Program khakna kinei cih kiza hi.

YPA HQ Hall ah Seminar/Workshop Kinei:


Tuni Oct. 25,2013 nitak lam (2:30Pm) hunin Hiangtam Lamka a YPA Gen HQ hall ah ‘Understanding the past and moving forward’ chih thupi nei in Seminar-cum-Workshop om a, Kawlgam pan Prof C.Thang Za Tuan, Dr David Vumlallian Zou leh Dr Bianca Mang Khan Cing (Dr. Vumson tanu-UK) te’n thusinsak uh hi. Panellist in Dr Tualchin Neihsial, Dr Lam Khan Piang leh Dr Joseph Suantak te pang uh hi. Hih thusinna pen Oct.26,2013 (10:00Am) hunin, tua mun mah ah kineizom lai dinga, session 5 in kikhen dingci  hi.

1st & 2nd session ah ‘Socio-Cultural challenges and opportunities of the Zo People’ cih thupi zangin Prof Edward Rodrigues leh Dr Lam Khan Piang in sinsak ding uh a, Panellist ah Dr Mary Grace, Dimsianmuanching leh Dr H.Kamkhenthang te in hilh ding uh hi. 3rd & 4th Session ah ‘Economic and Political challenges and opportunities of the Zo People’ chih thupi pansan in H.Thangzamuan leh Dr H.Kham Khan Suan te’n sinsak ding uh a, Panellist in Dr Kamkhenthang Guite, Rev Dr Gin Khan Khual leh Dr Thathang Vaiphei te pang ding uh hi. 5th Session ah ‘Indigenous People: Their Rights and Redressal Mechanism’ chih thupi pansan in Ms Joan Carling in sinsak ding a, Panellist in Siamzading Valte pang dinga,Kawlgam pan apai Pu Cin Sian Thang (President of ZCD/ZNC) in Planery speech hun ah thugen ding cih kiza hi. 

Hih 3rd WZC Khawmpi pen Oct.27,2013 ni dong nisim thusinna tuamtuam tawh kineito suak lai ding ahih manin, Information Department lamte in ahunhun in hong tangko zel ding uh hi. 3rd WZC khawmpi hun a tawpni dong nuamtak i lawhcinna ding thungetna ah mapangto suak lai ding hi hang. (By: Tongsan Tanute)

Ref: The 3rd WZC Information Center

 


Comments

03/15/2016 08:23

Many thanks for posting this details. I simply want to let you understand that I merely take a look at your website and I find it quite intriguing as well as informative.

Reply
06/16/2016 07:04

I conduct research on the topic of self-esteem and body shape among athlete and non-athlete girls, therefore this research and innovative website is best for the purpose of my topic, rush essays is another best option for me in order to get information and data for my research.

Reply
06/19/2016 15:45

Freelance is helpful for me instead I use it on my daily schedules. It helps in arranging my business meetings.

Reply
08/18/2017 05:45

Now enjoy watching your favorite shows right from your office without any interruption

Reply



Leave a Reply