WWW.TUNGZANGNEWS.COM

 
Picture
Tulaai Leitung Thuthang tuamtuam updates October 10, 2013
Kawlgam sung Mualtungmi thautawi te gaalkaap neihzah leh Kawl gaalkaap etkaakna

1. Chin National Front (CNF) Gaalkaap 200+

2. KIO ( Kachin ) Gaalkaap 7,000-10,000 Gaalkaap puansilhlo te kihel naailo

3. SSA-S ( Shan ) Gaalkaap 6,000+

4. SSA-n ( Shan ) Gaalkaap 4,000+

5. KNU ( Karen ) Gaalkaap 5,000+

6. KNP ( Karen) <200

7. DKBA ( Karen) 1,500+

8. KNPP (Kaya) 600+

9. ALP ( Rakhaing ) thautawi 100 leh civil daan 2,000

10. ABSD ( Kawl Sangnaupang ) Gaalkaap 600+

11. NDAA ( Shan ) 3,000+

12. NMSP ( Mon ) Gaalkaap 800+

13. NSCN-K (Naga) Gaalkaap <500

14. PNLO ( Pa-AIH) Gaalkaap 200+

15. Ta'ang National Liberation Army ( TNLA) 800

16. UWSA (O Minam) Gaalkaap 20,000-25,000

17. ZIA ( Zomi ) Gaalkaap 100+

18. Kawlgam gaalkaap 492,000

19. PSLF (Palawng ) Gaalkaap 200-500

Mualtung mi Gaalkaap 5,500 Vs 492,000 Kawlgam gaalkaap Kuanzo ding 2015 khitciang kimuhnop mahmah ding hi.

· Kawlgam sung ah maikha sung ah kibawlding kawlgabup kilemna suaikaihna ah thusun daanding tawh kisai in Mualtungmi thautawi pawl 11 kipawlna UNFC te in thukin thukikupna khat 10/10/13 ni in nei uha, Makaai 30 kihelthei in hih suaikaih ma in kumpi tung thu 13 sun masakding in thukimna nei uhhi. Thukimna te dam in ongsuakding hi.

· Kachin minam thautawi KIO te leh kawlgam kumpi kilemna bawlpawl anithumna thukikup 10/10/13 ni in nuamtak zothei uh a langnih thukimna nam 7 te thukimtak in suaikaai thei uh ci in Vuanzi U Aung Min in genkhia hi. Hih thukimna suaikaihna te UN pan Mr Vjay Nambiar leh China kumpi te palaai Mr. Wang Ying Fan te kihel uhhi.

· Kawlgam sung ah Gamvaai, Minam vaai gaamtaang te leh gamdang ah pilnasin in aciah nawnlo matding ( Black List ) a kumpi te koih Siavuan 1010 te Black List pan kiphiatta hi ci in Kawlgam President zumpi pan 10/10/13 ni in taangkokhia uhhi.

· October khasung in Kawlgam Democracy makaaipi Daw Aung San Suu Kyi EU gam zinleuleu ding a , October 22 ni in EU Parliament ah thugenna neiding hi. EU gam aom sungmah in Innkalhkhup athuaklaai 1990 kum a EU tepiak Mihingzaleena tawh kisai Sakharov minphatna laaipi leh $65,000 vasaang ding hi. Hih Sakharov minphatna peen Nelson Mandela, Kofi Annan, Guilermo Farinas cihte bek in ngahngei khin pan a, 2013 kum ading in Edward Snowden (USA thusim pholaak a taai mangpa ), Malala Yousafzai Pakistan gammi numeino leh Belarus gam akumpi langpan na tawh thongsung a om mi 3 te ki ummawh mahmah napi Pakistan gammi numeino Malala Yousafzai in ngah hi ci in EU Parliament te in 10/10/13 ni in taangkokhia uhhi. Amah peen 2009 kum in Taliban migiloten numeite pilna sintheiloding a akhaktan na uh Pakisatan gam Swat mualdung kual ah numei te pilna sintheinading khuamuhnading cihbang in numeino kum 11 phapan himah leh nasiatak in naseem ahihman in 2012 kum in amatuanna saang Bus Taliban migiloten nakaap in sihtheihnading liamna tampi tak thuak a, Britain gam ah tudong akibawlbawl laai ahihi.

· 2012 Kawlgam kaal lak kiteelna hunsung ah kumpiseem party ten meetaang tung ah khuaimei zuut in mikheem hi ci in NLD Makaai khat ahi U Nian Win Election Committee ten thubawl uh a 10/10/13 ni in amawhna kimu ahihman in Nypidaw thukhenzum pan Ks1,000 leh thong khakhat aut zawh kiteelsak a U Nian Win in Ks 1,000 piaziau hi.

· UN General Secretary Mr Ban Ki Moon leh Kawlgam President U Thein Sein te Brunei gam ah 10/11/13 ni zingsang lam in kimuding uh a kawlgam sung minam leh biakna vaai a alomlom a kisiatnate tawh kisai bangcihding vaaihawmding cihthu kikumding hi ci in Kawlgam President zum te in 10/10/13 ni in taangkokhia uhhi.

· Libya gam Prime Minister Ali Zeidan 10/09/13 ni pan migiloten kidnap amatcipna pan 10/10/13 ni in Tripoli khaupi cidamtak in ongtungkikta ci in Libya kumpi thuthang zumte in taangkokhia uhhi. Amah peen kuamat cih akitheiloh hang in The Operations Room of Libya’s Revolutionaries kici singnuaimi ten komat hi ci uhhi. Nung Saturday ni US Navy Seal ten Al-Qaeda makaai Abu Anas al-Libi Libya gampan amat uh lungkimlohna hi ci uhhi.

· USA gam kumpi nasepna pawlkhat adinkhawlna pan angeibang a akihonkik theihnading in republican Party makaaite leh Democratic Party makaaite President Obama in Innkaangpi ah 10/10/13 ni nitaak in thukikuppih hi. Khensatna hihhi cih lian aomloh hang athu ala hoihding lam lam etna omhi ciin Inn Kaangpi Taangko Jay Carney in genkhia hi. Hih ahoihding lam etna hang bekbek in US Stock 2% kahto pahlian hi.

· Canada gammi Laaigelh siam Sianu Alice Munro kum 82 tukum 2013 kum a ding in Laailamtawh Nobel miphatna kipia hi ci in Nobel committee te in Sweden gam Stockholm khuapi pan 10/10/13 ni in taangkokhia uhhi.

· Japan gam Fukuoka khuasung a om Zato inn that 4 khat 10/11/13 ni zingsang lam in meikaang a cina mi 8 leh zato naseem mi 2 si in mi 4 liam hi ci in Palik te in gen uhhi.

· Brazil gam Sao Luis, khuapi sung a om Pedrinhas thong innpi sung ah 10/10/13 ni in thongkia tamlua in kigaak lua uh ahihman in kilaaimang uh a mi 13 si in 30 naak liam mahmah hi ci in Pedrinhas thongcing palikte in taangkokhia uhhi.

*thusuak peen nisim hunngahlo tawh group kim ah ongsuaksakzolo kahihman in Zomidaily lehhttp://buanli.blogspot.com ah nisim kisimthei den hi*

Thuumna: Laaimal kikhialkha leh laaimal kilawmlo, ani ache akituaklo kha akipan kisapna tuamtuam aomkhaak aleh ngaihdambawm ah nongnakhiat sak un maw

Zomipau

http://buanli.blogspot.com

-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com


 


Comments




Leave a Reply