WWW.TUNGZANGNEWS.COM

 
Tulaai Leitung Thuthang tuamtuam updates October 12, 2013

 

·        Bowling Green , Kentucky  ah City Major pa vaaihawm natawh 10/11/13 ni in Culture Club ci in khuasung a teeng minam kim kipawlna teng tungpan ngeina lahna khat kinei a, Kawlgam Chin state pan Zomi Innkuan Kentucky Culture Department te makaihnatawh Zomi te ngeina laam Puante vakilak thei hi. Bowling Green khuapeen Kentucky state I alian thumna khuapi hi a mimal 100,000 vaal teeng hi. Tuaban ah tulian a Thailand Prime Minister nu sangkahna Western Kentucky University zong om hi.

·        Naikhat tai 125 ahaat  Phailin kici huihpi leh guahpi kithuah in India gam nisuahna lam 10/12/13 ni in nasia tak in nawk a, mi 3 si in 10/13/13 ni dong nasia tak in nawk laaiding hi ci in khuahun siamte in taangkokhia uh a India gam taangthu ah ahuaisia peen hiding hi ci in gen uhhi.  Kumpi thunei te in mi 5,000,000 vaal kumpi tein muanhuai na mun ah heemkhia uhhi.

·        Philippine gam  saklam teng 10/12/13 ni in Typhoone kici huipi leh guahpi in nasiatak in nawk a mi 5 sang atamzaw si uhhi.  Hih huihpi guahpi hang in tulian in mi 2,000,000 in meineilo in om ci in Philippine kumpi thunei te in genkhia uhhi.

·        Mali gam River Niger kici tuipi tung ah mi 400 leh van tampi tak apua tembaw khat 10/11/13 zan in kibung a mi 20 si in 200 mangthang hi ci in Mali thuneite in 10/12/13 ni in taangko khia uhhi.

·        Pakistan gam a kibusa Taliban makaaipi  Latif Mehsud, US gaalkaap madawk pawl in 10/12/13 ni in Afghanistan khanglam ah hingmat hi ci in US state department te in 10/12/13 ni in taangkokhia uhhi.

 

 

*thusuak peen nisim hunngahlo tawh group kim ah ongsuaksakzolo kahihman in Zomidaily leh   http://buanli.blogspot.com ah nisim kisimthei den hi*

 

Thuumna: Laaimal kikhialkha leh laaimal kilawmlo, ani ache akituaklo kha akipan kisapna tuamtuam aomkhaak aleh ngaihdambawm ah nongnakhiat sak un maw

Zomipau

http://buanli.blogspot.com

 


Comments




Leave a Reply