WWW.TUNGZANGNEWS.COM

 
Tulaai Leitung Thuthang tuamtuam updates October 22, 2013

Nasep Hoih sumtam nadeih hiam

USA gam Nashville (Music City) aom Zomi te nasep hoih sumtam nadeih uhhiam natheih naaikei khaak uhleh thuhoih khat kongtaangko ding hi. Hih anuai a company ah nasiau un. Tulaai tak mi kisam ziahziah a naitha $11:80 tawh kipan in $18 ciang kingahthei hi. Nikhat nai 8,10,12 cihbang in kiseemthei hi. Mikaangpau tawmtawm viktheiding kisam hi. Nissan mawtaw te parts tuamtuam te bawlna hi a North America ading in aphualpi hi in Company lian mahmah naseem 3,000-4,000 kikaal pha hi. Nasep ahaksa deuh vangik dom cihte peen $14 tawh kipan uha, $25 ciang naitha ngah uhhi. Nissan Body bawlna ah naitha $8 tawh nakileh uhsang hoih zaw hi. Tennessee state leh Kentucky state kikaal lian ah om a, Nashville Music City pan minutes 30 kipai hi. 
UNIPRES USA INC


201 Kirby Dr

Portland, TN 37148

(615) 325-3949

http://www.unipres.com/index.html?OpenPage

Natheih tel meelloh te pau kenla gen se ken! Kantel masa iN !

1995 kum in kakhua uh Buanli khua ah Meitei gaalkap te ongpai a khuata peen itheihsa mahbang in laaithei zawdeuh teng kizin mang ahihman in atheilo teng in khua kingaak zaw hi. My Name is Kyaw Kyaw, You are Tun Tun cihciang athei khat in Meitei gaalkaap te kampheensak a, Kawlgam gaalkaapte tawh akikaapding hita kahihman un na kiheem un ongcimawk in khuazaang in miksi thovaai nuai ah zaantha paai gaal ongtaaisak in azingsang ciang lah bangmah omlo Meitei ten lamdang sa mahmah uhhi.

October 12, 2013 ni nikhat USA gam state 17 ah Food stamp in naseemlo in anitaaklam ciang hoihkik cih New sung ah kisuaksak a, New sim khenkhat ten Food Stamp ki zangthei nawnloding ci in genkhia ahihman in Zomi tampi tak nasep kuanlo liang in zanhak in Food stamp aneih zahzah uhtawh Wal-Mart ah vanlei mang in tu in ann ngawl dekdek ki om hi. Pawlkhat bang in azing 10/13/13 ni Sunday ni in zapan ahihman vanleiding taiveve laai uhhi.

USA gam munkhat ah ( amun leh ami gendah ni) Mikaangpau kisin nuamlua khat anasepna ah Mikaang nupi khat nehneh in Video sung a azaak ngeidaan in Hey Fuck You acih leh zum tung in anasep taan lawh hi.

· Kawlgam sung Mualtungmi thautawi kipawlna khat ahi Kaya minam KNPP te leh Kawlgam kumpi kilemna bawlpawl 10/22/13 ni in Kaya state Luaikaw khuapi ah kilemna tawh kisai thukikupna nei uhhi.

· Daw Aung San Suu Kyi EU gam a athupi peen Sakharov minphatna 1990 kum a kipia amah ngiat in 10/22/13 ni in Piantit gam Strasbourg khuapi ah sangtaktak ta hi.

· USA gam te I sumzon sumzuakna kah semsem ahihman in September kha sung bekbek in nasep vekpi 148,000 kibehlap in nasep neilo mi 7.2% ah kiasuk ta hi ci in 10/22/13 ni in US kumpi thunei te in taangkokhia uhhi.

· Australia gam New South Wales state meikaang tuni dong khawlnaailo a miteenna khuasungte 10/22/13 ni in lawhta ahihman in mawtaw leh mihing neihsa Van 200 vaal kaangtumta hi. Khuahun sia in huihnung khualum sawnsawn ahihman in meikuang malaangmahmah a, Meiphelh mi 3,000 asun azaan in kipei ziahziah uhhi.

· USA gam angaih hawh Pakistan PM Nawaz Sharif leh President Obama inn kaangpi ah 10/22/13 ni in kimu a Nawaz Sharif in US ten ahawlpalo Tuithe vanleeng (Drone) tawh kagam uh nongvik pahpah uh peen thuak hak mahmah ahihman in ongkhawl tapeuh un mipi zong tamsilua ci in thuum hi. Obama in bel ko International Law tawh kituak a kakhah uh hi in Al-Qaeda migilote benna hilel cihsan hi.

Nasep kawmtawh buailua kahihman in edit kabawlman kei a , Khialhna aom khaak aleh ngaihdambawm ah ongkhiat sak in naleptuah sak un.

Thang Khawm Pau ZOMi

-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

 


Comments




Leave a Reply