WWW.TUNGZANGNEWS.COM

 
Picture
Tulaai Leitung Thuthang tuamtuam updates October 8, 2013
Tulaai Leitung Thuthang tuamtuam updates October 8, 2013

Kawlgam President U Thein Sein Asian Khawmpi Brunei gam ah kahding leh 2014 Asian Lutangpi saanna neiding in khualzin ahihman in Ama thupiakna tawh Kawlgam sung thong inn muntuamtuam a akia ahi gamvaai tawh thongtaang (Political prisoners) 56 te 10/08/13 ni in kikhahkhia hi. Kawlgam sung gamvaai thongtaang min ciamtehte ciaptehna ah mi 111 thongtaanglaai hi a tun 56 ongsuakta leh 55 bek cianlaai suak hi.

· Kawlgam sung Kachin minam thautawi pawl ahi KIO leh Kawlgam kumpi kilemna bawlpawl thukikupna animasa ni 10/08/13 ni in Mitkyina khuapi ah kipanta a , Langnih gaalkaapte a encikding kipawlna khat phutding ci in thu kasung uh a kikup pi in kanei uh ci in Bu Guam Maw in genkhia hi. Hih KIO leh Kawlkumpi te Pithungsuh level kilemna thukikupna ah UN Pan MR Vjay Nambiar leh Kawlgam mualtungmi thautawi kipawlna kheempeuh Kaya te simloh kihel uh a 10/10/13 ni dong thukikup zomto suak ding uhhi.

· Kawlgam pan Thailand gam ah sum thalawhding ci in mizuak puaisa te tawh apai kawlgam mi numei 15 akihel mi 34 te Thailand palikte in Tak County Kanphelfit khua kiang ah 10/07/13 ni zan in man uhhi. HIh kawlgam mite peen Thailand gam Ayuhdayah khua ah sumtha lawhding ci a Puaisa te tung Thai sum 14,000 ta pia a kawlgam pan akuankhia uh ci hi.

· India gam te neihsa TATA ENERGY Company te in Irrawaddy division sung ah asawtlo in suangmeihol akizang Meitha apiangsakthei setjung khat bawl kipantading a 2010 ma zohamtangding in geelna nei uhhi ci in Business Line thukizaakna te in 10/08/13 ni in taangkokhia uhhi.

· Asian gam gam 10 te kipawlna khawmpi Brunei gam ah 10/09/13 ni kipantading a , hih Asian khawmpi sung mah ah abanpai makaaipi Chairmanship kawlgam tung ah apna leh kawlgamten saanna neiding uhhi. Hih kawmpi amanni ciang in Asian makaaipi ki-ap na leh saanna kineiding a tua mun ah Asian Lutangpi hihna asaangding leh thugenna aneiding in Kawlgam President U Thein Sein 10/08/13 ni in Brunei gam tungkhin zo ta hi. Hih Asian gam 10 kipawlna makaaite khawmpi ah US Secretary of State John Kerry zong kahding hi.

· 2013 kum Physics tawh kisai Nobel minphatna piakding in Belgium gammi Francois Englert leh Britain gammi Peter Higgs te kiteelkhia hi ci in Sweden gam Stockholm khuapi pan Nobel minphatna piakding ateelpawl in 10/07/13 ni in taangkokhia uhhi.

· Bangladesh gam Dhaka khuapi sung a om Siamgatna phualpi khat 10/08/13 ni in meikaang a mi 9 si in 50 vaal liam hi ciin Bangladesh local thukizaakna te in taangkokhia uhhi. Bangladesh gam ah April khasung in hihbangmah in nasepna meikatna hang in mi 1,100 si uhhi.

· Argentina gamte President Nu Cristina Fernandez akhuaksung ah si om ahihman in 10/08/13 ni in ki-at a aki atna hoihtak in kizo in nawngkaaina omlo baan ah hoih mahmah pahding hi ci in Asiavuan te in genkhia uhhi.

· Central African Republic gam Bangui khuapi kiimteng ah singnuai mite in khuasung mite 10/07-08/13 sung dogawp uh ahihman in mi 50 si a adang tampi simzawhlohding liam hi ci in CAR President Michel Djotodia in BBC tung ah genkhia hi.

*thusuak peen nisim hunngahlo tawh group kim ah ongsuaksakzolo kahihman in Zomidaily lehhttp://buanli.blogspot.com ah nisim kisimthei den hi*

Thuumna: Laaimal kikhialkha leh laaimal kilawmlo, ani ache akituaklo kha akipan kisapna tuamtuam aomkhaak aleh ngaihdambawm ah nongnakhiat sak un maw

Zomipau

http://buanli.blogspot.com

-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com


 


Comments

03/07/2017 05:00

Mostly children are joining the club for take the training. All the player is need to exercise for wining the match. Mostly player are try to win the all matches and show the good performance in every match.

Reply



Leave a Reply