WWW.TUNGZANGNEWS.COM

 
Picture
Tulsa ah Zomi Innkuan Khat Motor Tuahsia
USA,Oklahoma State, Tulsa khuapi a teeng Heilei khuami Pa Khual Khan Kam le Nu Cing Lun Cingte innkuan Lia Niangpi tanu Upen (Driver), Lia Uappi, Lia Zomnu leh Tg.Mungpi te October 25,2013 ni-in, Full Gospel Assembly, Tulsa Homecell Combines Service kikhop khit ciangin, Inn lam zuan a ciahnn uh Delaware 81st.lampi tungah Mawtaw kiphukhakna hangin, Lia Zomnu, Lia Uappi le Tg. Muangpi te St Francis Zatopi, Tulsa ah kipuak uh cih kiza ahih manin, Topa mahin a hoihpen tawh hong kalsuanpihna ding thungetna tawh phawk ciat ni cih Tongsan International Media Group pan kong tangko uh hi.


Amau mi 4 teng pen Innkuan Unau khat hi-in, amau sungah Lia Zomnu pen khua phawk ta in Mungpi pen khuaphawk nailo ci hi. Lia Cing Sian Uap @ Uappi (Kum 19) pen akhuak ah sisan lut ahih manin, a nuntakna 99% beita ci-in Siavuante in agenkhit zawh tuni Oct 27,2013 ni-in Pasian kiang hong ciahsan ta cih Tongsan Agent, Tulsa tung pan kizasawn ahih manin, a nusiat zato a om lai asanggam teng, Nu le pa le Zomi U le naute khempeuh Topa Kha siangtho in hong ompih hen cih Tongsan Media pan dahpihna i puak kawmin Thungetna i neihpih hi.


Lungdamkoh ding:

Tuni October 28,2013 ni ciangin, zato a om ahi apa uh Pa Khualkam, le a dangte pen liamna thupi (Major) neilo uh ahih manin, nuamtuam ta cih Tongsan Agent , Tulsa tungtawn in kizakik ahih manin, Topa' tungah lungdamkohpih ciat ding hi hang. Lia Uappi luanghawm bel October 29,2013 ni-ciangin FGA biakinn pan hunbawlna tawh kivui ding cih kiza hi.

Source: Sia Ngaihtawng,(Dallas, USA)


 


Comments

08/05/2016 04:08

fit

Reply
08/08/2016 06:59

This picture looks like an accident but if anyone has more knowledge about this happening then he should comment here to tell others about it. Those people who are intersted to know more they must read whole article carefully.

Reply



Leave a Reply