WWW.TUNGZANGNEWS.COM

 
Picture
ZAM Card tawi Zomi te UN minsanna vai zaksakna (23 October)
Tuni 23 October 2013 ni in FGA biakinn ah UN minsanna ki zomtothei hi. Zanni sangin mi ki tamzaw a, zanni leh tuni ninihsung UN minsanna a ngahthei Zomi bekbek pen mi 3000 val phakhin pah hi.

Zanni leh tuni (22 October & 23 October) ninihsung alutkhin a Tau (Wristband) aki piasa te pen amau Appointment Date ahi 28, 29, 30, 31 October leh 01 November nidong Interview bawlphotding uh a, tuateng amankhit ciangin adang te hong zomto leuleuding uhhi.

UN piak niding ki khinto

UN Officer te’n nikhat in mi 600 takhawng alam et pen Zomi te kitamlua mahmah ahih manin Officer kicing nawnlo a, zingciang 24 October leh thaiciang 25 October ni alutding te ki khintophot leuleu hi. Akhawl tading cihbang hilo a, Officer kicinglo ahih manin ani akhinto uh ahihi.

ZAM Card neih hamtang kul

UNHCR te in minsan na hong ngahsak theihnang in kipawl na card athupi pen ahihi. Mipi te muhna leh kigal zak na panin UN card kihawm, ahih keileh UN ki pia ci in ging ngeingai  a, UN Ulian te in UN ngak khempeuh apia ziauziau bangin ki gen hi. Ahi zongin tuabangin UN card hong kipiak nang, UN minsan na ki ngah nangin kipawlna CARD omlo (neilo) in UN min sanna aki ngah thei ngei ding hilo hi.

ZAM Card ki limsit mahmah

Card hawmna sung luttheih nangin kipawlna makai ZAM palai te leh khua  makai, pawlpi makai tuamtuam pan palai te kithuah in ZAM card etcian na (sittel) khit ciangin UNHCR Ulian te kiangpan in UN card (minsanna) angah thei pan ahihi.

ZAM Card tuh kiman (Fake Card, Imitate Card)

UN minsanna ah a ngahding taktakpa, a ngahding taktaknu in angah theih nading deihsakna tawh ZAM palai te leh khua makai te, pawlpi makai te in hanciam takin misit telna or card sittel na nei masa uhhi. Tuni in ZAM card taktak ahilo, bawltawm card  atawi Pau Neih Kham (ZAM No. 15427) leh Thang Sawm Tuang (ZAM No. 11876) te ki mankhia uhhi.



ZAM Card tuh aki lim etcik mahmahna ahang ahihleh Card tuh abawlbawl tepen sumzonna in anei uh hi a, min khatciang khatbek bawlhetlo in tampi nabawl hamtangding uhhi. Tua Card aleikha tepen OPE, DHS Interview ah min kibang in kiatlawhding uh a, ih minam in maizumlawhding, zumvai minamvai tampitak nawngkaina omding ahih manin thumanlo ki deihvetlo a, aki lim Check mahmah ahihi. A ngahding khatin ngahlohlawh in akisailo khatin angah pen lungdam pihhuai hetlo hi. Thuman thutak tawh ih kalsuanding ki hanthawnding hihang.

ZAM Card khatciang RM50

ZAM panin UN Card vaitawh kisai sum pekkhatzong ki lalo a, UN Card ngahtheih nading sum hongki ngetleh thumanlo hi cihzong mipi te'n natheih pahding uh ahihi. Tuaban ah ZAM zumah nong zaksakpah nading un mipi tungah kongthuum uhhi. Tuni akiman ZAM Card tuh tezong khatciang RM500 tatawh ki leisak cihi. ZAM Card bawlnading RM50 bek kila ahih manin tuasang atamzaw hongngen aomleh thumanlo hipah hi.

ZAM Card tuh abawlte zong aki sulzuih laitak hi a, maizumlo takin hongsepsuak teitei uhleh akisam bangin zumpan kisemto dinghi. Zomi leh Zomi thusia kibawlnuamlo ihhih manin abawlsakpa hongkidop ding akhuapih tanau te'nzong na genpih un. Abawlsakpa zong UN Card neikhin cihzong kithei a hongkidop keileh UN zum ahzong akisapleh ki Report dinghi.

ZAM iNFO


 


Comments




Leave a Reply