WWW.TUNGZANGNEWS.COM

 
Picture
ZIUSA kipawlna pan Dahna Pulakna : Pa Ngam Mang in hong nusia

Zomi Innkuan USA
Executive
Committee
 
DAHNA PULAKNA
 
US
gam, Texas State, Houston khuapi a teng, Pa
Ngam Mang (Mangbawi kici Pau Kho Sei) in, October 4, 2013 ni zan-in,
lam-etlohpi in a leitung nuntakna hong nusiatsan hi. Pa Ngam Mang in ahong
nusiat laitak in kum (28) phapan a, a it mahmah a zi leh a tapa (kum 7) pen
India gam, Manipur State sung ah omlai hi. 
 
Pa Ngam
Mang hong nusiatna hangin adah akap a zi a ta leh a innkuanpihte, a pawlpi
mite, a khua a tui leh a lawm a gualte tawh a kibangin, Zomi Innkuan USA
kipawlna, Executive Committee pawlzong nakpi takin kidah hi.
 
Pa
Ngam Mang luanghawm pen October 12, 2013 (Saturday) ni ciangin ama pawlpi lutna
ahi; Greater Houston Burmese Christian Fellowship pawlpi in vui ding hi.
Sivuina tawh kisai thu akan nuamte in, pawlpikem siapipa, Rev.Dr. Thong Kho Lun
(713-828-8143) tung kidong thei ding hi.
 
Pa
Ngam Mang hong nusiatna hangin adah akap, lungleng khuangai a om laizom u leh
nau, nu leh pa, lawm leh gual akua mahpeuh, anungta Pasian in hong ompih in,
hong hehnem tahen ci in thu ka ngen uhhi.
 
 
 
Executive Committee
Zomi Innkuan USA
 
Tulsa,
Oklahoma, USA
October
10, 2013


__._,_._

 


Comments




Leave a Reply