WWW.TUNGZANGNEWS.COM

 
Picture
A. Aung San Suu Kyi Australia pai.
NLD makaipi nu Aungsan suukyi Australia pai in Sydney khuapi Opera House inpisungah University sang thum kigawm lukhunelkai kipiakna ah thugen na nei ahihi.Athu gen nasungpan in athupen khat ah Kawlgam in Democracytawh dinmun tang kalsuan theihna ding in 2008 Constitution puahphatna ah Kawlgam Galkap Mangputal te kihelding adeihna thugen ahihi.

B. December Khasung in Kawlgambup Conference bawlding 88 makai ten gel.

Anihveina Pinglong khawmpi cih theih ding in Kawlgam galkap leh Gamvai party tuamtuam te leh Mualtung mi hiamtawi tawh Conference bawl ding in 88 siamsin sangnaupang makaite in ngaihsutna nei uh ahihi. Hih vaitawh kipawl in zanni 27 Nov 2013 in Yangon kikup kholna nei uh ahihi. Constitution vai tawh kipawl in Athak bawl ding, Phuah phakik ding cihte hih Conference ah mualtungmi khempeuh akim theihna ding kigel ahihi cih U Aye Ko in gen khia hi.

C .Mega watt 3000 valteng Thai zuak ding.

Kawlgamtaw Dawei sumbawlna zone pi ah Japan Mittsubishi Corporation mapi in meitha bawlbawl ding uh aa, mega watt 7000 kingah khia ahihi, Tua lakah megawatt 3000 pen tualai mun teng ah zatding in gel uh ahihi. Tual megawatt 4000 teng Thai te zuak ding cihi.Japan in 30% Thai in 50% , Italy in 20% sumbul sik in kilam ding a, Yan sum 1Trillion kim bei in nasep kipan ding uh ahihi.

D. Japan kumpi in Zogam ( Chin) State $153,370.00 beiin Kanpetlet huhding.

Japan kumpi Chin state sung kanpetlet khuapi huam Kyindwe khua ah high school khat $ 153,370. 00 bei in lam ding ahihi cih Japanese Ambassador H.E. Mr. Mikio NUMATA leh Chairman of the projects committees ten tangko khia zo ahihi.

F. OIC Kawlgam pan in lungphona hang in' Malaysia lungphona omding.

Gam 57 kipawl muslim OIC te kawlgam ah apai hun in Kawlgam muntuamtuam ah Kawlmi te in lungphona bawl kawikawi ahihi. Tua thu lungkimlohna lahna ding in zingteh 29 Nov 2013 ni in Malaysia Vai minam Muslim te in Lungphona bawl ding ahihi. Tua ahihman in Kawlgam Palai zum in leh KL Khua sungah kuamahpeuh kidawp huai ding ahihi.

Hau Thang


 


Comments




Leave a Reply