WWW.TUNGZANGNEWS.COM

 
Kongit leitungbup a om Zomi u leh naute khempeuh aw,



Ih Biak Tung Pasian min tawh kongho pih hi. Nopna leh daihna thupha note tungah hong tung kim ciat ta hen!



Nunglamin Zomite kumcin Khuado nana bawl tek nading uh kong zasak a, mun tampi ah zong limci tak in kibawl cih kazak manin ka lungdam mahmah hi. Ko Yangon khua ah zong Tedim Association te makaihna tawh November 9, 2013 ni-in Tedim Baptist Church – Yangonte Biakinn ah nasiatak in kana bawl uhhi.



Tu-in zong Kumsim a i neih GZA Lungdamkoh Ni November Nipi nunung pen in nana bawl nading uh kong zasak leuleu hi. A zenzen in a hang khat peuhpeuh tawh tuani ahih thei kei leh zong a lem penpen hunin nana bawl nading uh hong zasak ing. Hih pen 2011 kum Kalay Myo a, kibawl GZA Makaite’ kikhopna pan a, kithukimna ahihi.



Ko Yangon ah November 30, 2013 ni-in Yangon a om Zomi Khempeuh kigawm in bawl kana sawm uhhi.



Pasian tungah a beisa hun a, i san thuphate simkawm in lungdamkoh ding leh mailam ah Zomite kalsuanzia ding Pasian tungah thungetna neih ding thupi pen hi. 

Ih Biak Pasian in note thupha hongpia kim ciat ta hen!



Itna takpi tawh,



Rev. Dr. S. Pau Khan En
GZA Makaipi
10 November, 2013 
www.globalzomialliance.org

 


Comments




Leave a Reply