WWW.TUNGZANGNEWS.COM

 

Nidang aa ZBC akici Zomi Baptist Convention pen Chin Baptist Convention aa laihding thu akigenciang Kalay Valley Baptist Association pan aa palai (delegate) teng, thukikupna ah kihel nawnlo in pusuak uhhi.
"CBC kici sung ah minute khat nangawn ka kihel kei uhhi" ci-in KVBA makaite'n taangko uhhi.

Chin Baptist Convention sung pan pusuak uh ahihman in Tedim Baptist Convention sung aa kigawm ding makailam kihona nei khin uh hihtuakhi.

KVBA ngimna ah TBC ah omsuak ding cih hipahlo in hunkhatteh KVBC ci-in Convention thak khat aa din zawh nading hanciamsuak nuam uhhi.( Makaite ong kiho in tuamdin nawn dah un ci aa ong kikhoh zawh uhleh, mipi kilungdam seem ding cini.)

Convention khat aa dinkhiat nading in athukimpih ding convention kisam ahihman in, mai kum 2014 aa kipan Tedim Baptist Convention sung ah KVBC bup lut in kipawl phot ding uhhi.
Tua hileh nidang ZBC hun lai aa Association golpi 4 akici TBA, HBA, FBA, KVBA lak ah CBC ah FBA leh HBA om lai ding aa TBC ah KVBA leh TBA a omding ahihi.
Hih in bang ong lakkhia hiam cihleh, "A petpet, ciang, thulianpi i tuahciang, i sisan in thugen" cihna hi aa min leh puam tuamtuam ineih hang, Zomi hihna in thugen cihding ahihi. 

Topa'n ong thukimpih leh Baptist sung ah, Zomi aa kilo Convention golpi 3 a neitading ihihi. TBC, ZBCM, KVBC.
Tutadih in CBC icihna sung ah ZBA (Zo), SRBA (Siyin) leh Mualbem bulphuh Association khat (official kilawhna min lian uh thei kei mawk ing, ong ngaidam bek hilo athei te'n ong hilh un), Tamu, Homalin kiim aa om Association pawl khat tawh association 4 leh 5 khawng a omlai suak hihang. Amau' hunding amau' thuthu ciphotni. Tuhun pen mipil vive makai khin ihihteh gamtat ziading kihilh kul nawn samlo dinghi.

Convention khat in kigawm ding i hi zo kei zongin hih convention pi 3 teng in kithuzakna, kizopna, kipawlna, nasep khopna khat peuhmah bel neih ding, ei nautaang numei naupang nangawn in lunggulh i hihman in makaite';n bel ong sawm mahmah ding uhhi. Sawm bek hilo geel khin ding zong lam en hihang. Amau 3 teng genloh India uk sung aa om, nidang aa i kihopih ngamloh, Tonsim, Aizawl, Lamka lam aa mi pih tetawh zong kizopna, kithuzaakna, kimuh khopna, kikawmna ahunhun aa nei theita ihihi.

Hihbang hun laitak in tuamtat nopna, kheltatna, gitlohna ahilo, kalsuan khiatna lianpi ong nei KVBA Makaite' kalsuanna, makaihna, ngaihsutna in ong tungding hun tampi mukhol kasahi. Khat veivei thupi kikhualsak aa i om kenkan zong i guallelh man peuh, i ngaihsutna, i tha i ngal in atawk taklo leh i kheltat nopluatman peuh zong na hithei leltakhi.

I kipat khiat zawh thupi aa, i puaksuak zawhding thupi zaw laihi. Tuadingin Topa'n ong kalsuanpih tahen.
Lungdamna leh kipaakna tawh a muak khol,

Hang Khan Lian





 



-- 
Hang Khan Lian
Block 646#13-115
Jalan Tenaga
Singapore 410646



__._,_.___
 


Comments

Daniel Lian
01/28/2016 22:37

Mualbeam lam bulphuh association pen TAB ki ci. a longform theih tuan keng ngei!

Reply
12/05/2016 03:25

Reply
01/17/2017 01:44

lucky patcher ios

Reply

http://raj.2017resultnic.in/rajasthan-board-12th-result-rajresults-nic-in/

Reply



Leave a Reply