WWW.TUNGZANGNEWS.COM

 
Tulaai Leitung Thuthang tuamtuam updates November19, 2013

 

·       Tedim ah Thura Shwe Mann hong paia, Tedim, Tonzang-Cikha-Rih, Falam te Tedim khua ah kisu tuah in vaimuakna tawh kisai-in Zomi lip online en te a ding theih huai kha ding hi ci-in thu sunnate kong pulak hi.

·       Thu sung : Pa Kam Lian Thang

·       Thu sun dawn kiknate:-

·       Lokhawh singpuak tawh kisai, Apple, Niangteh te deihzah in hoihzolo ahih manin, vaimim nasia tak aa ciin ding thu kim thamlo-in, a met tawm tawh sum leitawh theih nang hong vaihawm ni, Company te zogn hong sawl ning ci hi. Haksat na a om leh thu hong zasa in cin a pai khiat teh minute 20 taang Sia Thangpi tawh koho uh hi.

·       TTC

·       TTC Sang vaitawh kisai-in Hung Ngai in kankuat hi. Hong pai Thura Shwe Maann in sang naupangte kah nopna ah kahsak ding hoih hi ci hi. Hih tawh kisai-in a beisa in Haka ah ut ta lehang, ut kei lehang a kikah hi-in tu in Kawlgam bup ut nana ah a kikah ding ahi hi.

·       Tedim valeng tual leh Electric Beltang Zalui pen Kumpipa kiangah, Town Elder Committee ii  lai tenna tawh kizui-in a teh ding hong paikhin hi, ci hi.

·       Pa Hang Khan Khai leh Pa Vungh Lian Kham in Lampi vai

        Tedim-Taingen, Tedim-Haimual-Rih lampi te gen hi.

·       Dr. Sian Za Kham in galkapte hong laksak a kizang lo Eka 100 ngen kik a, Townplan suaihna ding, Zum ah lai hong ten un ci hi.

·       Siapi Gin Khen Thang in Education College Khaikam khua-ah hong phut sak un ci-in gen aa, hongsa hi.

·       Thu gen khempeuh in a sawtlo-in Tedim District ngah ding ci ahih manin kilungdam hi.

·       A tung aa thu kisungte leh dawn kikna tawh kisai-in hong pai Thura Shwe Mann in Tedim pan aa mipi kusale (Luttdaw)te hong gen dingte  hizaw hi cin-in remark hong pia hi.

 

 

·       Kawlgamsung ah minam kee khat ahi Pa-aih minamte in amau minam party hontheihna 11/18/13 ni in Kawlgam kiteelna thuneite tungpan phalna ngahta  uhhi. Kawlgam thukhun tawh kituak in ni 90 sung in makaai kibawl in ngetna laai  phahding uh ahihi. 2015 kum kawlgambup kiteelpi ciang amau minate tamna ahi Shan,Mon,Karen,Kaya state te leh Pago division te ah mee kuang luiding uhhi ci in Party  makaai Khun Soe Myint Tun in 11/19/13 ni in genkhia hi.

·       UN mihing zaleenna lam makaai te in Kawlgam sung a Rohingya te gammi piaknading leh Islam biakna azui mite tung a zawhthawhna abeitheihnading in Kawlgam kumpi hanthawnding cihthu 11/19/13 ni in thukimna ngah  uhhi. Tuaban ah December  kha UNO General meeting ciang nasiatak in kikum laaiding ci uhhi.

·       Kawlgam sung a naseem ahi Norway gamte neihsa Telenor kihona company te in ongtungding kum 5 sung in kawlgam sung muntuamtuam ah Telenor sim card sumthunna card zuakna sai Saang khat hongkhiading hi ci in 11/19/13 ni in taangkokhia uhhi.

·       Kachin gamsung Mansi kuamteng ah KIA gaalkaap te leh Kawl gaalkaap te kikaapna khawltheilo ahihman in gaaltaai mipi ibehlap ban ah agaaltaaina  uh nithum lam bang ahihman in neek le dawn a kipan hamsatna lianpi tuak uhhi. Kikaapna peen tu zingsang 11/19/13 ni nai 9am dong kikaap kaap laai uhhi ci in khuasung mite in gen uhhi.

·       Lebanon gam a om Iran gamte  palaai phualpi maai ah 11/19/13 ni in Bomb tang 2 puakkham a mi 23 si in 146 liam uhhi. Hih asite lak ah Iran gamte I ngeina tawh kisai Ulian khat ahi  Sheikh Ibrahim Ansari  zong kihel  hi ci in AP thu kizaakna te in genkhia hi.

·       Australia gam thukan te in Indonesia gamte phone line te man in ngaisim uhhi ci in Indonesia te thei  uh ahihman in  hehmahmah uhhi. Hih thu hang in Indonesia President Susilo Bambang Yudhoyono in Australia PM Tony Abbott in ngaihdam beek ongngetlohliang peen hoihlo hi ci in 11/19/13 ni in Tweeter tung ah gelh hi. AU  PM Tony Abbott inbel aheh uh peen kalung nuamsam keiven ahizong in hihbang a gamtatna peen kagambitnading ahih naakleh Indonesia te kathum ding alam et ding uh kilawm keizaw ci in Parliament ah 11/19/13 ni in genkhia hi.

·       South Africa gam Tongaat  khua sung a om Vanzuakna Innpi ( Shopping Mall ) khat 11/19/13 ni in kicim in asi khat kimupan a mi 50 vaal vukcip in mi 30 zato kipuak hi. Inn cim I vuh cip mite zongding in Mihonkhia gaalkaap 100 in naseem ziahziah uhhi.

·       Indonesia gam Bali tuikhulh ah mihau khualzin mi 13 apua Bus neukhat 11/19/13 ni in kibung in Sen Mihau 2 leh Indonesia gam mi 2 si uhhi.

·       Pakistan International Airline te in 2010 kumpan UK gam a Ticket zuaksak Palaai 2 te sumpia nuamlo uh ahihman in Tua palaai zum nihte in UK High Court ah thubawl uh a, Pakistan International Airline te in  £400,000 liau khading in ci in 11/19/13 ni in UK High Court te in thupia uhhi.

·       India gam Zomi tampi te sangkahna Bangalore khuapi sung ah 11/19/13 ni in nupi khat sumthohna ATM Machine maai ah sumthohding in adin laaitak in papi khat ongluutvat in aneihteng sut in taai ahihman in palik ten Bangalore khuapi sung ah saben in bengsaan laaitak uhhi.

·        

 

Laai mal&ani akha kikhial kha aom leh ngaihdam bawm ah ong na khiatsak un maw

Thang Khawm Pau Zomi

http://buanli.blogspot.com

 


Comments




Leave a Reply