WWW.TUNGZANGNEWS.COM

 
Tulaai Leitung Thuthang tuamtuam updates October 31, 2013

· Bowling Green,Kentucky ah Khuadopawi 11/02/13 ni in nasiatak in kibawlding a Lengtong Kam Khen in zaiziah ding a Rev Dr Nang Sian Mung Khuado pawi thugenna neiding hi. Lengtong Kam Khen leh Rev Dr Nang Sian Mung te zong tu in Bowling Green khua tungkhin ta uhhi.



· Chin state Khalkha khuapi October 26,2013 ni paiding a geelna anei Kawlgam Lower house speaker Tura U Swe Mann Kawlgam nisuahna lam khuahun siatna hang in khawlkik a November khasung ah sotto kik ci in Chin state Government te in genkhia uhhi.

· India gam Deli khuapi ah CRC te makaihna tawh Chin Refugee te mi 500 vaal in Kawlgam ah biakna kideidanna kathuak uha, India ah lah bitna kangah kei uh gamdang pai mengmeng nuam ung ci in lungphona 10/30/13 ni in nei uhhi.


· Kawlgamsung Kachin state KIO te phualpi Laiza Khuapi ah UNFC kici Muatungmi thautawi kipawlna 17 pan makaaite khawmpi 10/30/13 ni cidam in kipan ta a tuni 10/31/13 anihna dong thukimna ngahzo naailo uhhi. November 1,2013 atawpna ni ah thukimna hoih khat kingah zoding in kilam en hi ci in UNFC Makaai U Nai Han Tha in genkhia hi.

· Kawlgam sung Pagu division sung ah 10/30/13 nipan guah tamlua ahihman in tuikhang a, mi nih si in mi 10,000 vaal muanhuaina mun lam zuan in gaaltaai uhhi.

· Israel gaalvaanleeng te in 10/30/13 nipan 10/31/13 nidong zaan thapaai Syria gam Latakia khuapi nuaipi in nuai hi ci in US kumpi thuneite in genkhia uhhi. Israel ten bel Hezbollah migilo te apuakding uh SA-125s thaupi te kikoihna phualpi Vaanleeng thumtawh kanuaipak uh hi ci in genkhia uhhi.

· US gamsung ah innkuan sumluut ( Income ) tawmten akilau mahmah ahi Food stamp khiapnading tawh kisai US Congress pan khiapding in 10/31/13 ni in thukimna ngahta uhhi. November 1,2013 Friday nipan kipan tading a, Innkuan khat ah $36 ta kiamsuk ding hi. Hih food stamp khiapna hang in Innkuan sumluut tawm 47 million in athuak ngeekngeekding ahihi.

· US gamsung ah Tax Return sum kikheemna gambeel mitetung ah tam mahmah ta ahihman in tuabang a akikheemte IRS in sumsiik kipan in apialo te Palik te mansak in agam puakkikding ci in 10/31/13 ni in taangkokhia uhhi.

· Mexico gam Tijuana khuapi pan USA gam San Diego Khuapi, California state USA gam dong vankhaam puaknading a kibawl leisung hawm lampi 10/31/13 ni in kimukhia hi ci in US Immigration te leh Custom te in genkhia uhhi. Hih leisung hawm lampi sung ah Kaanza Ton 8 leh cocaine 147 kg makhia uh cih genbeh uhhi. 2008 kumpan hihbang kuahawm lampi bekbek 75 kimukhinta ci hi.

· Obama Care kici US kumpi cidamana tawh kisai thukhun thak mipi in kideihlo lua ahihman in 10/01/13 nipan healthcare.gov pan kilei thei himah leh animasa ni 10/02/13 ni in mi 6 bek in lei a, 10/31/13 niciang mi 346 kiim bek in leipan hi ci in kumpi lamte in enkhia uhhi. A website zong hoih thei mahmahlo ahihman in Obama alung khamsim pianta hi.

· Chile gam saklam teng 6.6 magnitude haat zinlinna in 10/31/13 ni in nasiatak in nawk a, Mipi lauhtawng mahmah in lamdung lamvaai teng ah taaikeek mang himah leh asi aliam leh innsia losia omsamlo ci in Chile thuneite in genkhia uhhi. 2010 kum in khatvei 8.8 magnitude ahaat zin nasiatak in liing a mi 500 vaal si in inn 220,000 sia hi. 1960 kum in 9.5 haat in liing a, mi 5,000 vaal si uhhi.

Laai mal&ani akha kikhial kha aom leh ngaihdam bawm ah ong na khiatsak un maw

Thang Khawm Pau Zomi
http://buanli.blogspot.com

-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

 


Comments




Leave a Reply