WWW.TUNGZANGNEWS.COM

 
Akua mahpeuh cidam lungnuam takin nisim mabante ah vaiding in, a gualzo dingin hong lam-en in, thu kong ngetsak uhhi.

Tu in, Dr. Do Kham in ahong nusiat zawh kha khat cingta hi. Dr. Do Kham in anusiat adamlai, Mary-te Nuta teng a kipan, meeltheih tanau akua mahpeuh zong, Anungta Pasian hong ompihna tawh cidam in vai kiding zota hi.

Dr. Do Kham a it, a zahtak, a ngai, a suang, a phawk akua mahpeuh tung, innteek lam pan thu hong zasak nuam a hih Email hong khakkhia hi ungh. Dr. Do Kham tungtang ah innteek lam pan lungdamkohna pen akilawm akituak in, tuni ciangdo hong kiko zo nailo ahih manin, nakpi takin ka kisuang uhhi. Mary-nu zong, lung himawhlua ahih manin, eikam mahmah tawh lungdam kohna kam mal khat mal nih pulak nuam ingh acih ciangin, Video bawlsak in, Dr. Chin Do Kham thulu tawh Facebook ah kisuaksak hi.

Maban tawh kisai ah, Dr. Do Kham phawkna leh pahtawina tawh Memorial Service & Celebrate His Life ci-in hun khat bawl ding geelna kinei a, a hun leh ni ding kician nailo hi. Dr. Do Kham’ han a Mualsuang (Head Stone) phuh ding vai zong, lam-etna bangin kinawh vaihawm theilo a, a sem a bawlte in ih deih banglian inabawl theihna dingin, kha nih kha thum sawt ding ci uhhi. Dr. Do Kham’ Mualsuang pen limtak in kiphuh sawm a, Tulsa khuapi ahong hawh, Dr. Do Kham a it, ama han a hawhnuam akua mahpeuh a’dingin a kilawm theipen in kibawl ding hi.

Dr. Do Kham tungtang ah itna hong lakin, anai agamla pan ahong pha, ahong gimpih, ahong tawlpih, ahong hehnem, thu ahong ngetsak, ahong hanthawn, tha ahong pia, sia siamate, makai tuamtuamte, u leh nau, nu leh pa, lawm leh gualte khempeuh tung ah lungdamna lian mahmah hi cih thu hong ko ungh. Innphual ah, Biak-inn ah, Han ah mimal in hong phabek thamlo, khutguak tawh hong phalo in sum leh paai hong tawi mimalkim tung ahzong lungdamna kibehlap hi. Tuaban ah, Tulsa khuapi hong pha thei takeile uhci’n, na omna mun panun, dahpihna thu pulak in, thu hong ngetsak a, sum leh paai ahong khak khempeuh tung ahzong nakpi kilungdam hi. Kam tawhbek hilo, thu tawh la tawh, laipai tawh dahpihna hong pulak in, tha ahong pia kipawlnate, pawl tuamtuamte leh mimalkim tung ahzong lungdamna lian mahmah hi.ahong guan, Puanlaisan ahong khuhsak kipawlnate, pawlpite leh mimalkim tung ahzong lungdam mahmah ungh.

Tutung, hih thuzaksakna sung ah, ngeina omkei mahleh, kong kohnop uh thu dang khatin, Dr. Do Kham tungtang, amah itna zahtakna leh ngaihna tawh sum leh paai ahong kitawi teng hong theisak nuam ungh. Dr. Do Kham in ahong nusiat a kipan zanhah ni nitak ciang, ahong kitawi sum leh paai pen $11,200 val pha hi. Ih vuini bekbek in, akua mahpeuh in nong tawi uh sum leh paai vekpi $22,200 val hi. Handal ni a kipan tuni ciang dong hong kiphakna sum pen $10,000 val pha hi. Hih teng pen innteek thusate khut sung a hong kipia tengbek hi a, a kigawm in, $43,000 val pha hi. Tuaban ah, Zomi Innkuan USA kipawlna in thusa/tanu hong sepsak uh a, Makaite leh ZIUSA Bank tungtawn in, muntuam gamtuam pan nahong puak uh sum leh paai pen $27,700 val pha hi. Tua ahih manin, Dr. Do Kham na itna, na zahtakna uh, na ngaihna uh leh innteekte na itna uh tawh nahong khuttawi uh sum leh paai vekpi gawm pen $71,000 val ahi hi.

Hih sum leh paai thu kong zaksakna uh tawh kisai in kilawm a salo zong ki-om thei himah leh, Dr. Do Kham pen anusiat innteek bangkua a’ bek hilo a, amah a it a ngai tampi takte a’ bangmah in sang ka hih manun, akua mahpeuh theih ding deihsakna bekmah tawh ahong pulak kahi uhhi. Mawhsakna, telkhialhna, kilawmsaklohna a om a leh, hehpihna tawh nong maisakna dingun kong thum uhhi.

Bangbang hita leh, ei a damlai u leh nau, nu leh pa, lawm leh gual, akua mahpeuh zong, Dr. Do Kham ih it mahbang in, khat leh khat ki-it diamdiam ni ci-in hong zawn ungh. Khat leh khat ih ki-itna akhan semsemna dingin akua mahpeuh Anungta Pasian in thupha hong piaciat tahen ci-in thu ka ngen uhhi.

Mary-te Nuta teng leh
Innteek Bangkua
tang’in;

Innteek Thusa
Tulsa, OK

(Thumna: Kammal kilawmlo, a zakdah huai a om leh itna tawh hong maisak un. A kilawm zahin kamkhum a kizangsiamlote zong deihsakna tawh hong telsiam un. Lungdam hi.)

Dr. Do Kham sihgalna kikhak :: ZAM makaihna tawh Malaysia gamsung aom Zomi te’n ih zahtak mahmah Zomi makaipipa phawkna Memorial Service pen ZAM Hall ah October 19 ni in kibawl a, tuani akipan ZAM zumah Dr. Do Kham nutsiat a innkuan pihte tungah dahpihna lahna in sihgalna hongki puakziahziah hi. Malaysia gamsung pan Dr. Do Kham sihgalna akigawm RM4398.40 bang ki ngah a, avek in USA ah ki khakkhin khinta hi. US Dollar tawh aki khekciang in US$1286.88 ki ngah hi. Dr. Do Kham phawkna Memorial Service ah hongkihel bektahmlo sihgalna hongpiakhia Malaysia gamsung aom Zomi khempeuh tungah lungdam kongko uhhi. Mailam ahzong Kawlgam ahi zong in, USA gamsung ah ahi zongin Dr. Do Kham phawkna Program khatpeuh aki bawlkikciang inzong nongkihel nading un kongzawn lailai uhhi. ZAM iNFO

Contact ki ngahlo :: RSC leh DHS pan in Contact ki ngahzolo pawlkhat om leuleu hi. Hih anuai ateng lakah na UN Number aki helkhakleh ZAM zumah hong zasakpah in.

Nungkalsung aki buaipih phadiak pawlkhat

  • Lian Khan Tuang (Kaptel) pen November 11 ni in Tzuchi Clinic ah aki buaipih khitciang in UN Card hong ngahthei ahih manin ih lungdampih hi.
  • ACR Card tawi Thang Sian Muan (Tungtuang) pen November 11 ni in Langkap Camp ah ZAM Palai te’n va buaipih hi.
  • Khup Sian Lian (Pyidawtha) pen Kal, Sin, Gilpi natna hangin November 11 ni in Tzuchi Clinic ah ki buaipih hi.
  • Hau Tawng (Tedim) pen November 13 ni in nasepvai ki buaipih hi.
  • Kajang Ansai khatah Zomi 10 nasep ki zonsak a, avek un semtheipah uhhi.
  • Kimat kihen pen nisim in omden a, ZAM Palai te’nzong nisim mahin kimat kihen vaitawh ki buaiden hi.
Zolia & Zotaang DVD ki ngahta :: Tukum Khuado Pawi hunsung ah atuamdiak in ihbawl ahi Zolia & Zotaang kidemna DVD ki ngahta hi. Adeihpeuh in Zolia & Zotaang kidemna ah akihel te tungpan ahi zongin Aungnandaw, Taungzalat, ZAM zum leh Zomi te kikhopna biakinn pawlkhat pan ahi zongin ki leithei dinghi.

Zolia & Zotaang Calender :: Zolia & Zotaang te pahtawina in akibawl ahi 2014 Calendar zong asawtlo in hongki hawmkhiading ahih manin akua mapeuh in tha piaciat ni. Nangkiang ah hongki zuakkhak leh Zolia & Zotaang te pahtawina in naleisak hamtang unmaw.

Lungdam Kohna :: Malaysia gamsung ah kalsim in ZAM Thupuak Copy 2000 bang ki Print khiaden a, amawkna in ki hawmkhia den hi. Tuabang in ih Print zawh nading in a lunghimawh Pawlpi leh Mimal pawlkhat in panpihna hong piakhia zelzel uh a, ki lungdam mahmah hi.

Khakhat in Thupuak nihveita bek hongla ahi Zomi Catholic Community Malaysia - ZCCM (St. Joseph Biakinn, Sentul) panzong tukal Thupuak bawlnading RM50 hong piakhia leuleu uh ahih manin lungdam ihko hi. ZCCM Pawlpi tawh naki zopnopleh: Francis Khampi 016 269 1351

Mikim in Mangpau, Manglai sin theita :: Mangkangte ngiat in mangpau leh manglai hong hilhding na ut leh asawtlo in Sri Kuching (Sungai Mas) ah kisin thei ta ding hi.
Hong hilhding pa min: Mr. Patrick
Sang kahna: Cambridge University, England
Ei Zomi te aa dingin Flyers naken nakleh sinman nai 2 sung RM12 bek hi ding hi. Sinman ngeina pen nai 2 sung RM 50 a kila ngekngek ahihi. Ei hong deihsakna tawh a vaihawm ahihmanin a tam theithei in sin sawm ni. Alunglut peuhin ZAM ahzong ki kanthei hi.

UNHCR-CDU Info Hub kinei :: ZAM Palai te vaihawmna tawh 14 November 2013 ni zingsang nai 10am in Klang kuam a om UN ngahsa Zomi khempeuh RST, RSC, DHS, IOM ect.. kisam theilo te dottheih nading in UNHCR-CDU pan Info Hub hong bawlsak uhhi. Zomi gambel mi 40 val in phat tuamna ngah thei uh hi.

Healing Crusade ading taangkona :: Leitung muntuamtuam a Pasian in na lamdang leh cina damsak nalam ah azat Chile gam pan hongpai Rev. Miguel Eschobar tawh biakpiak khopna leh thunget sak adeih te in anuai a hungel na bangin nong kihel nading un kong taangko uhhi. Contact: Sia Haupi 0178809320 (IZCC); Sia Cin 01123511180 (IZCC)

Crusade Information

Speaker: Rev. Miguel Escobar (www.miguelescobar.org)
Ani : November 24, 2013 (Sunday)
Ahun : Nitak 8:00pm – 11:00 pm
Amun : Harvest Community Church: D-1-36, 8 Avenue Business Centre, Jalan Sungai Jernih 8/1, 46050 Petaling Jaya. (Asia Jaya LRT station or Asia Jaya bus stand)
Website: www.hcc.com.my

Zato napaiciang Address kisam hi :: Hospital ahih keileh Clinic khatpeuhpeuh napai ciangin tulaitak na omna Address kisam tawntung ahih manin, aki gingsa in omgige in. Address cihciang in avengmin bek hilo a, inn nambat, dawlbangzahna, lampimin cihte hi a, natheih keileh na Tui Bill, Mei Bill te tungah akician in omhamtang dinghi.

Kimat kihen natuahkhakleh:
Sia Tuangpu : 016-254 4093
Sia Thaa Mung : 016-646 5375
Sia Kam Mung : 016-995 6231

Zato vai kisapna aomleh:
Sia Khoi Tuang : 010-286 6189
Sia Kam Sang : 016-918 9692
Sia Kep Lian : 014-369 4897

Nasep leh Bank Card vai:
Sia David Mung : 017-333 4320

Mimang hong kankhiat pih un :: ZAM Card Number 18031 atawi Tg. Suan Kap Thang pen November 09 ni nai 2:40 pm hunpawl in aomna Setia Alam, Klanginnpan avakkhia ciahkik nawnlo hi. Amah pen Laitui khuami kum 18 aphapan khat hi a, Pa Tun Sian Pau leh Nu Hau Than Sang te tapa ahihi. A mukha, atheikha na om uhleh Kim Pau: 016 976 0278 ah ahi zongin ZAM zumah ahi zongin nong zaksak nading un kongthuum uhhi.

Address:

155A Jalan Maharalela,
50150 Kuala Lumpur
Office Tel: 03-2142 6659
Hotline: 016-293 9027
Email:  zomiassociationmls@gmail.com

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

 


Comments

04/15/2015 05:08

The thing is that parents advise their child for their bright future is just because they wanted their child to be happy for all the time and they wanted to see the bright future of their child but the thing is they need to understand that how can they make their child effective in professional or practical field.

Reply
04/24/2015 05:24

I am glad you've got found the web site content instructive. That is why I have posted them - to offer information on topical matters that you may not normally have the option to seek out.

Reply
06/13/2015 13:33

Likewise other services essay writing is also very important for students. The best thing is that if we have our own essay writing company.

Reply
08/13/2015 02:18

Thanks fo rsharing. You know, at present students have to work hard in order to complete all assignments on time. There is a possibility to get online help.

Reply
09/10/2015 07:49

Dont you see that aussi essay is the best essay writing service for the past century?

Reply
10/07/2015 03:35

When you are an educated person, you can find job easily. So feel free to use these great writing services to get excluisve essays.

Reply
07/14/2016 13:17


Music Paradise Pro Apk

Reply

Happy Friendship Day Wallpapers 2016
http://happyfriendshipday2016status.com/friendship-day-wallpapers-2016/

Reply

There might be faster, wireless and rapid charging along with a high surround quality.

Reply



Leave a Reply