WWW.TUNGZANGNEWS.COM

 
UN vai thuthak:  UN hawmna tawh kisai in tulaitak phuahtawm thuthang tam mahmah hi. ZAM Member sungpan ngah dinga ciangtansa te lakah a ngahzo nailo pawlkhat omlai a, tuate pen UN lam panin hun kicinlohna hangin ani hong khanto hi. Thuphuaktawm siam pawlkhatte’n ZAM Member te kipia nawnloding hi ci in thu na thangsak uh ahihman in mipite lunghimawh uh a, linglawng keei uh hi. UN hawm ding tawh kisai ZAM Palaite leh UN Uliante thumvei bang kimukik khin uh a, UN Uliante genna panin nidang banga ani kongsot tohtoh khak ding uhka lauh man un ani ding akitelcian mateng hong gen ngamlian nailo hizaw ungh, ahizongin sawt nawnloding ci uh hi. Tua ahihmanin mipite lungpatauh nading omlo a, tawmvei sung lungduai taka ngak ding cihna hizaw hi. Thu phuakphuakte’n zong “Cancel” leh “Postpone” a kilamdanna tel phot na sawm un. “Cancel” cih ciangin “deih nawn lo/phiat/su mit” cihna hi a, “Postpone” cih ciangin “ani khaangto” cihna hi. Kammal khat leh nih tello pi a kampauna in aza angaite adingin thanemna lianpi omsak thei hi. Mipite’n zong thuthang khempeuh na um pahpah kei unla, telloh theihnop naneih uleh ZAM zum hong ho tangtang un, tua hileh na lung uh nuamzaw dinga, na khan uzong sau tuam ding hi. Bang hang hiam cileh lungimna in khantomsak thei hi.

UNHCR-CDU Meeting :: 21 November 2013 ni 9:30am – 12:00pm kikaal sung teng Chinese Assembly Hall ah UNHCR-CDU meeting kinei a, hih hunsung ah RSC pan Officer uliannu genna panin USA Government Shutdown vai tawh kisai a kikhawl sakte tu in kilengsak kik ta a, maikum January kha akipan ahunhun in kizom to suak thei ta ding hi ci hi. RSC, DHS, IOM leh CO hun ding et theihna website zong kibawl khin ta hi. https://casi.rescue.org sungah nai 24 sung ei thu leh ei tunna ding mun leh gam kikan thei hi. Hih CaSi website zat theihna ding Password tawh kisai na dotnop leh KLInquiries@rescue.org ah kidong tawntung thei a, zatman bangmah kingen lo hi. Nang tunga Password hong kipia pen kuamah gensawn kei lecin nang aa dingin lungmuan huai pen kha ding hi, bang hang hiam cileh na  password a theite’n nangma thusim teng hong kansim sak thei uh cihna hi. Tua ahihman in namuan penpente zong na Password theisak kei zaw mai in. 

Na lenkhiatna ma in nang thulehla na laihnopna khat ahikeileh akilaih a om khak zenzen leh kuamah konlawh se lo in nanglenang in na bawlziau thei ta hi. Gentehna in:

# Zinei, Pasal nei, Zi/Pasal tawh kikhen,

# USA a na Address piak na khel nop leh,

# Hong tungthak na innkuanpihte lutpih nuam,

# Damlohna leh zato paina, TB zatui ne,

# Innkuangah hong nusia a om khak leh,

# Kimat kihen tuak,

# Naupai, nau nei,

# USA pai nuam nawn lo a na file na dawhkik nop leh…

cihbangin nanglenang in thu zasak thei ta hiteh.

ZEC Students Graduation :: Malaysia gamsung aom   Zomi Education Center (ZEC) sang tengin 30 November 2013 Saturday ni zingsanglam in Graduation bawl ding uh hi. ZEC sangnaupang khempeuh tuani ciangin kimding hong hanciam un. Hihni ciangin sangnaupang te ankuang umpihna  leh laisiamte Pahtawina Laipi kipia dinga, sang khempeuh panin gamtat hoih pen aa kiciamteh Numei leh Pasal teng zong pahtawina kipia ding hi.  Amun dingpen Assumption Church, PJ hiding hi.

Palai te ading MZCA pan thungetsakna :: 30 November nitaklam ciangin Chinese Assembly Hall ah MZCA te makaihna tawh Zomi sunga kipawlna omteng khempeuh ading thungetsakna hunpi 3pm in om leuleu ding hi.

ZAM zum kikhakding :: 30 November (Sat) ni zingsanglam ZEC sangnaupang te Graduation leh nitaklam MZCA te thungetsakna hunpi nih akineisuak ahih manin tuani ZAM zum nibup kikhakding hi.

Mat leh Hen: Khuasung a nopzeek te ading theih huai thu tampi tak lakah kimat kihen pen a khatna mah hilai veve hi. A kisam lua ahikei nakleh hehpihna tawh Offday sim a vaaksuk vaaktoh cihte na tamzat kei le ucin deihsakna tawh hong thuum ungh. Banghanghiam cileh tuhun ciangin ih pute’n Form silh nawnlo uh a, ong muh naak uleh hong ngai mahmah bangkeek khat in na kiginloh laitak na nunglampa’n maingal takin hong kawi hialhial ding uh a, muhnop na sak luatloh maan manphate hong lak ziau ding uh hi. Tua maante etman tampipi la uh a, hong puaksuk hong puaktohna uh motaw saap zong sang sak mahmah ta uh hi. Tua ahihman in khuasung na vaak ciangin nakiim napaam en masa in la, nunghei hawihawi lo in na mailam tang takin zuan in. UN card neite zong zahtaak bawl lo uh a, mai-et tuan lo uh hi cih mangngilh kei in.

Nungkalsung aki buaipih phadiak pawlkhat

Thang Lian Mung (Tedim) pen dammawhna hangin Tongshin Hospital ah ni 2 sung ki buaipih hi.

Pa Khup Langh (Suanghoih) zong Tongshin Hospital mah ah damlohna hangin ki buaipih hi.

Lia Nuam Khan Mang (Mualpi) pen adeek pan aluzang dongah sabawk khat om a tua natna hangin Kawlpi panin a innkuan un Malaysia hong taai ahihi. ZAM zumah palaaite panpihna hong ngetciangin Tsuchi Clinic leh GH KL ah kipaipih a, thunei siavuan te kiangpan a kingah zato lai te tawh UNHCR ah huhna kingetpih a Topa lamlahna tawh sanggam nu leh a innkuan pih te, Nu leh pa leh sanggam teng tawh mi (6) in UN card hong ngah pah thei uh ahih manun ZAM zumpi panin kilungdam pih mamah.

Setapak ah UNHCR Card tawisa mi 3 palik te’n namatsak ahih manin Palai te’n ki buaipih hi.

Nu Kap Gel Cing (Pyidawta) pen Palai te panpihna tawh GH KL ah suakthei a, nausuak laizong ki laksuakpih theipah hi.

Nungkal Thupuak ah mimang ci’n ameltheih te’n hong tangkosak Tg. Suan Kap Thang (Laitui) pen thongkia nahi a, ZAM Palai te’n thongah ki mukhia in, hong suakta khinta hi. Kimat kihen khat ihtuah lehzong omcippah lo a, meltheih tanau te, ZAM Palai te amanlangthei penpen in ih zaksak pahpahding hong theisak phapha ung.

ZAM Min Laihkul Kei Mah Ei

"Palaite nasep zia hawmthawh huai, tua teh ZAM mahmah a min kilaihta ding; Kikupna thupi khat om ding...." hong kici-in, a koipan aa thu hong gingkhia masa hizel a'itam.... koi pan aa kua teng ii hong hanciam sawm hi leuleu ding hiam, a koilai aa a tanaute ahih kei leh a siate ahih kei leh sum le pai tha a hat mawhlo mi pawlkhatte muang aa hih thu hong phuang hiam, a bang ngimna taktak tawh hih thu hoihsa hiding uh hiam, kuateng a madawk hi aa, a simtham pan kuateng ii tawsawn ahi di'am, a simtham pan lai tawh, message tawh kuateng ii hanciamna hiding hiam.... pau dang, nam dang hi peuhmahlo, ei sungteng mah ki hanthot kul lailai lawmlawm maw le.... ci-in, ka ngaihsutsut laitakin, khanglo seisai ingh. Zingsang nai nga na satpan ahih manin, thawh hun nai samlo, ka mang mat dingin zong mat taakkei phial ee, ka cipah hi.

Banghang in, hih mang man dihdih ka hiam? A hunhunin Palaite kisapna, thanemna tuamtuam gawmgawm le'ng honkhat om nong ding hi. Ki hawmthawhna mit tawh en ihiam, bang mittang tawh en ihiam cih thupi ding aa, tua khit ciang, akuate, a bang minamte, bang nasemte tawh teh ihiam cih thu teng in zong ih muhzia kibang sak hetlo ding hi.

Hih ki tangsapna tuamtuam cihte hangin, hih mang man dihdih lo ding hi'ng! Banghang hiam cih leh, mipihte aa ding nisim aa kum tawntung hunbit nasem genloh, gam tuamtuam aa mipi aa ding vaihawmna ma a pang khat peuhpeuh ki tangsapna a muhsak phadeuh pawlkhat ki-om zelzel lel hi. Tua leh, banghang hih mang man dihdih mawk ka hiam?

ZAM a min laih le'ng ee, cihpen tuma kum tamsim lai aa kiza zelzel thu khat hi bilbel aa, a lungsim ah zong a ngaihsun kha omkul nawnlo ding zah aa ka tuat khat a mangmat kha hi bilbel. Kei zakkhak loh ahih kei leh cihloh, tuma kum nih/thum khawng pan petpet teh, tuadan kammal kiza nawn khollo hibek aa, Zomi Kipawlna mipi-in ih vaihawm khop ngeingai kum masa lam teng kum bangzah hiamkhat mah tuadan thu ahih kei leh kammal kiza kiaukiau thei hi. Hong ging hethat, hong dawk hethatin, hong lawhcing samlo uhhi.

A ngaihsut hak penpen thu khatah, namdang/paudangte khatpeuh ii hong vaihawm aa, hong hanciam hilo mawk hi; Ei kampau kibang sitset bek thamlo, tanau vai aa nasem ih omloh hang, ih tanau, ih beh, ih meltheih mahmahte khawng peuh hong hi zanzan thei lai! ZAM a min laih le'ng, ahih kei leh ZAM pen Zomi galtai cihna khat ki helsak lai le'ng, ahih kei leh ZAM mahmah thaksuah sak ni, ahih kei leh ZAM limlim piangkei pong cih bangin a tuamtuam tawh thu hong om kiaukiau theizel aa, lamdang kasak mahmah lai thu khatah, uham, thu ngaihsun thei lua ding, a zahtak huai picing khin pawlkhat beklo, biakna lam Sia/upa pawlkhat in zong hong hanciam mahmah mawk hi.

Tua pa, tua nu kihel aa, tua pa, tua nu in tua hun lai-in, tua bangin Zomi Kipawlna buaisak ding hanciam cih a pulak nuam ka hikei hi. Tuamah bangin, a tua pa, tua nu aci ding hi le'ng zong tuabang thute ana phawk kha nawn khollo tamzaw kha lel ding hi. Thu khat bel om hi; Tua bang hunte na phawklai aa, tudong mah a san'zia, a muhzia a kibat lai leh lah ama muhna tawh hiding hi.

Zomi Kipawlna (ZAM) hita kei leh, ih omna gampeuhpeuh ah Zomi kipawlna a thapia ih hihzawh kei leh zong a nawngkai sak tuam ih suahkhak hetloh ding pen dik asalo omlo hamtang ding hi.

Tua hi-in, galtai cih min ih vawh aa, galtailo cih min ih vawh zongin, min khat peuhpeuh ih vawh a hiphial zongin, kum 2006 khit leitungbup Zomi sungah, ki lamdan'na, khan'tohna, kiamsukna, gualzawhna, guallelhna, namdangte hong theihzawhna cih bangin khuahun hong kihei hethatna hang pen Malaysia ah galtai kisan'na hang hi aa, leitung gam tuamtuam pan Malaysia vai tawh a kipelh thei Zomi a innkuan/tanau in sim le'ng tawm cihtak tawm kha ding hi.

Tua thu lian bek ta ngial en le'ng zong, ZAM Palaite nasep zia, Palaite mipi-in ih kisap zia, Palaite nisim aa a mapan'na uh cihte aneng atawng in ih theikei zongin, Malaysia aa Zomi Kipawlna (ZAM) pen tha na piak zawhna a omkei leh zong thu tuam, tha nem leh lawhcin' loh theihna ding thu leh vai khatpeuh na vaihawm aa, kampau leh laigelhna khatpeuh tawh na lungkim sese leh khial mahmah ding hi teh!

Ka mangmat leh tuma hunkhat lai aa ka taktak aa ka tuahkhak thu le vaite sungpan, Kipawlna ii kisap taktak a ngaihsun khial kha pak mipih sanggamte pawlkhatin zong, a tawmpen tuma kum nih hun peuhmah pan, "ZAM min laihkul kei mah ee" cih thu mukhin ding uhhi. Tg. Kham

HEI Thusinna :: ZAM zumpi pan mipi te ading deihsak natawh vaihawm na te kizomto theizel a, HEI te makai in 20 November, 05-09pm hunsung Christ Mission Fellowship Biakinn Setapak ah thusinna thupi mahmah khat hong neihsak uhhi. Thusin apai vekpi (47) kipha a, thusin apai khempeuh zong HEI pan lamsap hong piaksak uhhi.

Lungdam Kohna :: Malaysia gamsung ah kalsim in ZAM Thupuak Copy 2000 bang ki Print khiaden a, amawkna in ki hawmkhia den hi. Khakhat in Thupuak nihveita bek hongla ahi Zomi Catholic Community Malaysia - ZCCM (St. Joseph Biakinn, Sentul) panzong tukal Thupuak bawlnading RM50 hong piakhia leuleu uh ahih manin lungdam ihko hi. ZCCM Pawlpi tawh naki zopnopleh: Francis Khampi 016 269 1351

Contact ki ngahlo :: RSC leh DHS pan in Contact ki ngahzolo pawlkhat om leuleu hi. Hih anuai ateng lakah na UN Number aki helkhakleh ZAM zumah hong zasakpah in.

354-03C08792

354-05C07581

354-06C01618

354-07C01428

354-08C01767

354-08C02881

354-08C05977

354-09C03311

354-09C05014

354-09C05747

354-09C06361

354-09C07078

354-10C00391

354-10C01570

354-10C02744

354-10C04318

354-10C06813

354-10C08035

354-10C10036

354-10C10038

354-10C10151

354-10C10336

354-10C10647

354-10C10823

354-10C10832

354-10C10870

354-10C11022

354-10C11208

354-10C12101

354-10C12139

354-10C12343

354-10C12723

354-10C13239

354-10C13482

354-11C01041

354-12C01775

354-12C01842

354-12C02492

354-12C03306

354-12C07641

512-03C01433

512-04C01503

512-04C01503

512-04C01922

512-04C01937

512-04C01958

512-05C00942

791-05C80230

791-08C00069

791-08C01755

791-08C02181

791-08C02236

791-09C00279

791-09C01522

791-09C02515

791-09C03456

791-09C03970

791-09C04112

791-09C04199

791-09C04522

791-09C04765

791-09C05429

791-09C06241

791-09C06540

791-09C07113

791-09C07532

791-09C07728

791-09C07874

791-09C08615

791-09C09403

791-09C09539

791-09C10006

791-09C10529

791-09C10536

791-09C11331

791-09C11553

791-09C11684

791-09C11794

791-09C11884

791-09C12675

791-09C12908

791-09C13112

791-09C13783

791-09C16145

791-09C16172

791-09C16720

791-09C16944

791-09C17283

791-09C17534

791-09C17557

791-09C17794

791-09C17903

791-09C18396

791-10C00465

791-10C00685

791-10C01228

791-10C01425

791-10C01519

791-10C01553

791-10C02171

791-10C02483

791-10C02606

791-10C02745

791-10C02780

791-10C02899

791-10C03107

791-10C03223

791-10C03235

791-10C03346

791-10C03599

791-10C03892

791-10C04428

791-10C04669

791-10C08066

Naki helkhak leh ZAM zum ah hong zasak pah in! ZAM iNFO

Address:

155A Jalan Maharalela,
50150 Kuala Lumpur
Office Tel: 03-2142 6659
Hotline: 016-293 9027
Email:  zomiassociationmls@gmail.com

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

Tungzang News pan a hun zui in ah zong ZAM ki updates zel den ding hi.

 


Comments




Leave a Reply