WWW.TUNGZANGNEWS.COM

 
Zomi Innkuan USA
Executive Committee
 
Dahna Pulakna : Lia Cing Lun Kim (Kum 2 leh Kha 6)
 
Kentucky State, Bowling Green khuapi a teng, Kaptel khuami Pa Langh Hau Cin (Songput) leh Nu Vung Lam Cing-te tanu, Lia Cing Lun Kim in Nov. 6, 2013 ni, zingsang lam nai 4:00PM pawlin, a innsung a lupna panin a leitung nuntakna hong nusiatsan ahih manin, a it a nu leh a pa tawh a kibang in, Zomi Innkuan USA kipawlna, Executive Committee pawl kidah mahmah hi.
 
Lia Cing Lun Kim in a hong nusiat laitak in kum nih leh kha guk a phapan ahih hangin, a damlai hun sung teng, a kamsia mahmah tanu khat ahih manin, kikhasia phadiak hi. Amah pen Malaysia gam a suak hi a, a nu gil sung pan a suah laitak in haksatna tuak ahih manin, nausuahna pan damlohna ngah a, a hehpih huai nauno khat ahi hi. A innkuan un US gam a hong tun uh sawt nailo ahih manin, hici bangin tuahsiatna hangin kilung hihmawhpih mahmah hi.
 
Lia Cing Lun Kim hong nusiatna hangin adah akap, a nu a pa leh meeltheih tanaute, khua leh tui a kipan a pawlpi mite khempeuh tung ah Anungta Pasian in hehnepna hong tung henla, nisim maban azom zo dingin thupha hong piahen ci in thu ka ngen uhhi.
 
Lia Cing Lun Kim luanghawm pen Nov. 8, 2013 (Friday) ni kivuibawl ding a, amah tawh hun nunung pen zingsang nai 8:30AM a kipan in J C Kirby & Son Funeral Chapel ah kinei ding a, ZMBC pawlpi in hong vuisak ding hi.
 
Hun leh vaite tawh kisai hita leh, hehnepna sigalna a puak nuam peuhmah in, Zomi Innkuan Kentucky kipawlna Secretary Pa Thang Khawm Pau(Tel. 270-217-9593, Email. joseptpau@gmail.com) tungtawn in kikan thei ding hi.
 
 
Executive Committee
Zomi Innkuan USA
 
Tulsa, Oklahoma, USA
November 7, 2013



__._,_.___
 


Comments




Leave a Reply