WWW.TUNGZANGNEWS.COM

 
Picture
Zomi Khatin London University pan Master Lukhu Nelkai Ngah
Zogam, Tedim gam huam Heilei khuami (Pa Thang Za Hau),BA Psychology leh Nu Ciin Ngaih Lian tapa Upen London khuapi (UK) ateeng Pa Suan Khan Thang @ Suantawng, (Tongsan Consultant of England-UK) in November 18,2013 ni-in University of East London ii Department of Law and Social Sciences nuai pan M.Sc in NGO and Development Management tawh O2, Lukhu nelkai hong ngah ahih manin Tongsan International Media Group pan lungdampihna i pulak hi.

Pa Suantawng pen Tahan (kawlpi) ah suakin khangkhia a, kum 2 aphak laitak in zatui kisutkhialhna hang tawh a khe langkhat zawin ciangkhut (crutches) bek tawh tuni dong lampai hi. Kalay University pan abeisa 2003 kum in BSc a zawh khit ciangin Grace Baptist Theological Seminary, Yangon ah M.Div zo hi. Pasian lampi honsakna tawh M.Div kum 3 akah sung mahin USA a om Disabled Organization khat in Full Scholarship pia in 2006 kumin England (UK) ah sangkah thei hi. 

Pa Suantawng pen damlo khat ahih hangin a neulai akipan mi huh ding sangin, amah leh amah hanciam nopna lungsim nei lungsim khauh le citak mikhat ahi hi. Abeisa 2006 kum in Aungsan Stadium, Yangon ah Myanmar Physically Handicapped Association min tawh kibawl damlote Tutsa Volleyball Kidemna (Sitting Volleyball Competition) ah kihelin amau Team in 3 na ngah uh hi. Tua banah Music lam zongah Bass leh Lead Guitar lam kivaa / tumsiam ahih manin UK a om Kawlmite le Zomite sungah kilimzat bek tham loin, tulai tak Mangkang pawlpi khatah Music Band khat tawh kithuah in Bass tumin Pasian nasepna kiu khat ah mapang hi. Damlo mi khat ahih mah bangin Tahan a om Rev.Job Thawngno nasepna ahi Zomi Handicapped Uplift Ministry ah Vice President sem ngei hi. Tua banah abeisa 2012 London Paralympic sungin BBC Burmese te in mi damlote tawh kisai Thudotna/ Holimpihna neihpih dingin Lengla muan (Special guest) in sam uh a, Zomi khat hihna lamsang tuam hi. 

A pa in kum tampi sung Kumpi nasep a sepkhit ciang, Zomi leh Zogam ading Zomi National Congress (ZNC) tawh tawlkhat sung nasem hi. A pianna Nu le a sanggamte Charlotte, North Carolina, USA ag teeng uh a, Suantawng ahih le a zi Nu Lunno le tanu nih Lia Sanlun le Lia Kimpite 2 tawh London (UK) ah teeng uh hi.  UK kumpi in Malaysia pan gambel mi kua mah a saploh laitakk in, Suantawng in Malaysia 4 vei vilvel a paina pan a Zi pen UK gamah lazo hi. Pasian deihna a om leh a maban sang zoptoh sawm lai cih kiza ahih manin thungetna tawh mapanpih ciat ni.

Source: Tongsan . org Tanute


 


Comments

Writing plagiarism free academic assignments is a challenge that most people tend to fail. When it comes to writing academic assignments, your biggest enemy is plagiarism.

Reply
10/08/2016 05:02

The cheating in essay writing has made its way in the education system as well. Gone are the days when essay writing was considered to be an art. Today, who likes to spend time in researching and presenting original ideas through essay writing when everyone knows the Internet can give them what they want at one fourth of the effort.

Reply



Leave a Reply