WWW.TUNGZANGNEWS.COM

 
Picture
Australia ah Aung San Suu Kyi in Zomi thu Gen
Dear Zomi pih teng,
 
Zani Sweet December 2013 ni in ah, Melbourne kawlmi te leh NLD Chairman Daw Aung San Suu Kyi tawh ki mu na ki nei hi.
 
Dotna leh dawng na hun in, Zomi te thu ka na dong thei uh hi. ASSK in Zomi te tang hong sepsak ding / hong huh pah ding ci sang mipi tung Zomi thu hong gen ding ci lung gul na hi pen hi. Pasian in Zomi te hong om pih in, e dot na te hoih tak in hong dawng ki hi. Biak na lam dot na hih leh a hun om lo a hi man in hong dawng man lo suak hi.
 
Dotna: Chin State Sak Lam te Kalay Kabaw a teng Zomi te a ding Zomi min tawh ki sap thei na ding hong pan pih thei ding hiam?
Dawnna: Hong dawn kikna ah ZNC tawh hong pan hi. 
        ZNC te tawh kum tampi ma pang khop na thu
        Kawlgam haksat pen hun a, ma hong pan pih te a hih na thu
        2rd Pinlong pen ZNC ten hong pat khiat a hih na thu a
        Democracy hun ah min pen ei deih bang piak thei a hih na thu 
a ki pan minute 5/10 ding tang phial ZNC/ZCD leh Zomi te na sep na te kawlmi mipi 3000 phial ding ki muh khop na ah hong gen khia a hih man in ki ang tang tuam mah mah hi. Media tuam2 leh kawlgam/Australia gam thu nei ten zong na za ding/na za kik ham tang ding a hih man in, Zomi te a ding bang pi a ki lam dang pah kei zong in, hong ki thei tuam ve ve ding ci in ka um hi. Zomi a ding kal no cik khat a suan e hi hi. E om na tek pan Zomi hih na na pulak lak leng, Zomi tawh e din na hong kip sem sem ding a hi hi.
 
Australia Media ten zong hong khah khia ziah ziah pah uh hi. Australia a media lian pen a hi ABC tung ah zong Zopuan tawh na kang zia ziau kel ung ei. Pa Sawn Thang leh ZAA GS Pa Khup te interview zong Australia media ah hong suak ziah ziah hi.
 
2013 Sweet December ni a, Aung San Suu Kyi tawh ki mu na muh ah zong kawlgam mi nam tawm tawm te in thu pulak na ki nei a, Zomi te ai tang ding in ZAA (Zomi Association Australia) leh ZBC (Zo Baptish Church) Upapi Pa Lian in zong thu ngen na lim ci tak in hong nei thei hi. Tua ki muh khop na ah, Karen, Karenni, Mon, Chin leh Zomi ki pawl  na te in, thu pu lak na hong nei hi. Kachin te in a hih leh ASSK/NLD in Kachin gal ah kawl kumpi te tatsiat na te genkhiat nuam lo /ngam lo hi ci in mu uh a hih man in ASSK Australia Tour pen muak lo/dawn lo uh hi. Hi mun a Chin minam leh Zomi a tawm tek a ki ding a hih na ki cian tak in ki mu thei hi. Ki it lo na, ki lang pang na hi tuan lo hi.
 
Ko Australia ah Chin a ki cih ciang in Hakha a ci na dan hi a, zum khat pe peuh ah Chin interpreter kamphen ngen le cin Hakha khamphen te hong kipia ding hi. Official a hih liang lo hang Chin e cih ciang Hakha a ci na dan a ko Australia ah a tam zaw in a ki sang a hi hi. Falam Chin, Matu Chin ci zong bel ki zang sam hi. a hi zong Chin bek na zat leh bel Hakha cih dan hi. Zomi te a hih leh a tamzaw (>95%) pen Chin tawh ki zop na om lo hi. Hi pen Australia a diak diak in Melbourne Australia om dan hi.
 
Thupuak,
 
Mungsen

 


Comments

11/30/2015 05:21

Great information on your site here. I love this post because we can get some useful information from your blog. I expect more post from you guys.  

Reply
02/12/2016 23:40

I was more than happy to find this site. I want to to thank you for your time just for this fantastic read!! I definitely loved every part of it and i also have you book-marked to see new stuff on your website.

Reply



Leave a Reply