WWW.TUNGZANGNEWS.COM

 
D.C Area om Zomite laak pan Degree man (Sangman) te Lungdampihna Pulaakna

Washington D.C Area (Maryland, Virginia, Washington D.C) kiim aom Zomite I biak Pasian in pilna lam ah thupha hong pia in Leitung lam pilna lam ah Degree ngah tampi hong om sak ta hi. Tukha sungin zong a nuai aa i mipih ten Degree limci mahmah hong man thei uh ahih manin lungdam pih mahmah hang.

1. Zomi Innkuan D.C Advisor ahi Pa Dong Khan Khup (Siapi Ngen Za Dal Tapa) in U.S gambup ah Sang minthang pen khat ahi John Hopkins University, Baltimore, Maryland pan Master of Science (M.S) in Technical Management tawh tukha sungin M.S degree cidam in hong man thei hi. Pa Dong Khup in 2007 kum in Capitol College, Maryland pan Bachelor of Science (B.S) in Electrical Engineering tawh hong man in cidam in Master hong zom suak to thei ahi hi. Tulai tak in Pa Dong Khup in Pepco Holdings Company ah Senior Project Engineer a sep lai tak hi aa, U.S om Zomite laak ah Engineer lam za gol pen pawl hi ding ahih manin Zomite aading angtan huai mahmah hi. Graduation Ceremony pen mai kum sungin kibawl ding hi.

2. Zomi Innkuan D.C President Pa Nang Sian Thang ii Tapa U pen ahi Tg. Gin Za Khai (Tg. Khaipaak) in University of Maryland Baltimore County (UMBC), Maryland pan Bachelor of Science (B.S) in Biology tawh B.S degree hong man thei hi. Tg. Khaipaak in Medical Doctor zong zopsuak ding geelna hong nei aa, D.C Area om Zomite sungpan Medical Doctor a kah masa pen pawl hong hi ding ahih maninlungdam huai mahmah hi. Graduation Ceremony pen tukha, December 20 ni in kibawl ding hi.

Pasian in thupha hong piakna tawh D.C Area aom Zomi te laak ah Leitung lam Pilna, Master, Bachelor leh Associate Degree ngah mi 20 val bang ki om ta ahih manin Topa min phat hang. Mailam ah leitung lam Degree ngah tampi i om sem sem zawh nading i biak Pasian in Zomite thu pha hong pia ta hen.

Information Department
Zomi Innkuan Washington D.C
www.facebook.com/zomidc

 


Comments




Leave a Reply