WWW.TUNGZANGNEWS.COM

 


Kongit  Zomipih U leh Nau,


USA, Florida State sung aom Jacksonville khuapi a teeng Lia Niang Khan Lian (Tomging Beh) in ngaihsut kholhloh, lamet kholhlohpi-in December 16, 2013(Monday) sun nai 2:00 kiim pawlin a it, a innkuanpih, a sanggam teng leh thuum pawlpimiteng khempeuh nusia in a it Pa Pasian kiangah tawlnga dingin hong ciahsan hi. 

Lia Niang Liante innkuan pen Pasian ait mahmah leh a zahtaak mahmah innkuan ahi uh hi. Zogam, Tedim khuapi ah tengin,  Bethel Assembly of God(BAG) pawlpi mi khat  hi. Amah pen Pasian it innkuan sung pan akhangkhia khat ahih manin Pasian it bekloin, adam sung teng Pasian gam adingin a hihzawhzah in mapanna anei den, acihtak numei khat hi. Thu leh La khat peuhpeuh a sep, abawl ma-in Pasian mah adong den khat zong ahi hi. Tua banah amau innkuan sungah zong a thu dotpi pen leh thu leh la khat peuhpeuh ah avaihawm kinken zo den khat hi-in, numei picing  mahmah khat, mipammaih mahmah khat ahi hi.

USA gam sung hong tunkhit, Florida, Jacksonville khuapi ah asanggampate innkuan tawh omkhawm, teengkhawm in kum tampi mah Sushi sem hi. Ahizongin hamsiatna tawh Nawi Cancer hong ngah kha-in, kum tampi sung mah, hih cancer natna tawh zawmlohpih-in, na sem zo nawnlo-in Zato kilaak den hi. Hong dam kikna dingin khua sung leh mundang pan in thuum mite leh Pasiannasem tampite mahin itna leh deihsakna tak tawh thu nakpi ki ngetsak hi. Thungetnate Topa'n hong dawngin kum tampi sung mah hong nuntaakpih hi. 

Anat agim sungteng in, thu leh la tawh ahizong, tha leh ngal tawh ahizong, sum leh paai tawh ahizong, thungetna tawh ahizong, hong huh hong panpih mimalkim tungah nakpi lungdamna kong pulaak uh hi. Ih Biak Pasian in ko-te kong thukkik zawhloh, thupha tampi tawh notungah hong thukik hen cih ka thngetna uh ahi hi.

Lia Niang Lian ii innkuanpihte:
A Pa:   : Pa Kai Pau(Nusiakhin)- (Tomging Beh- Tonzang Khua)
A Nu:   : Nu Zen Za Vung(Nusiakhin)- (Tangpua Beh-Lamzaang Khua)
Asanggamteng: Rev. Ning Man Cing(Nusiakhin)
                          Pa Thualh Khen Mung leh Nu Go Deih Vung
                               Nu Zen Go Niang leh Pa Gin Cin Kham
                          Lia Niang Khan Lian (Hongnusia)
                          Nu Cing Suan Man leh Pa Kam Pau
                          Pa Thang Kap Khai leh Nu Dim Sian Ngaih(Jacksonville,USA)

                          Sihvui hun ding pen December 21, 2013(Saturday) sun nai 2:00 in ki nei ding hi. Anai leh agamla panin ahun leh paina ding(Direction)tawh kisai ahizongin, hungeelna tawh kisai ahizongin a dong nuamte adingin hehpihna tawh hih phone numberte- Pa Thang(904)437-0800 leh Pa Kap Khai(904)400-5617 ah nong hopihna dingun kong zasak uh hi.

Adahpih,

Khannupa
Florida
 


Comments




Leave a Reply