WWW.TUNGZANGNEWS.COM

 
To. Ong Huh khem peuh leh ong huh lai ding te


A Thu: Lungdamkohna Khrist sunga om kongit u le nauteng tungah lungdambawl thupha leh a nuam kumthak note tungah hong tung tahen ci in lungdamkohna lai kong khak hi.


Amasa in USA ah Topa na sep theihna dinga lam hong honsak Rev. Nang Gin Mung (Pastor T.L. Mungbawi) leh Zomi Laizom Christian Fellowship, Atlanta a om Pawlpi mite tungah lungdamna thu ka ko masa nuam phot hi. Tua mah bangin USA state 11 sungaom, khut kilen khawm a nasep pih
khempeuhte tungah a kibangin lungdamna lianpi kong ko hi.


Topa gam tangzai nading America gamsung nasepna ah na hun uh, neih leh lam, sum le paite leh na tha na ngalte uh bek hilo in thungetna tawh supna tampi thuak in ma nong panpihna uh hangin Pasian in inn khat leh Vangil tuamtuam ong pia ahih man in Topa min phat kawm in lungdamna kong ko phapha hi.

Na nasepna te uh kei mimal in kong thuh zawhloh hangin Topa in a thupha lianpi tawh a hong thuhsakna dingin innlam pan nakpitakin ka innkuan un thu ka ngenngen uh hi. No aadingin Topa thupha kong honna hi henla, vandaituite na tung uah hong kiat kipatna hong hisak tahen. Cidamna, inn hoih neihna, mawtaw hoih sum le pai neihgil lamgil neihna, lungnop sinnopna, gualzawhna namkim neihna leh mavan daupaina thupha tampi ngahna ding, Pasian thu sungah nopsa a upna sungah zungthuk khakna leh Pasian sungah bulkip neih semsem na hong suaksak tahen.


Mailam ah zong nalianpi a sem khawm dingin Topa in hong siam hen. Note tawh nasep khop pen nuamsa mahmah hing. Zong mimal khatciat hong ngai mahmah ing. Hong phawk mahmah hing.

Ih Pasian, ih Topa Jesu leh Khasiangtho nopsakna in note tungah tu leh a tawntungin hong om den tahen! Amen.


Lungdamna lianpi tawh,
Pasian lenggah huan sungah nasepkhoppih,

Evan. Dr. Langh En Pau (David Pauno)
Phualpi A.G Pawlpi
Thazin Ward 4/79
Kalaymyo, Sagaing Region, Myanmar
email: <davidpauno@gmail.com>; ph. 01195-9425305479

-- 
Dr. David Langh En Pau
@David Pauno
Evangelist
Phualpi AG, Kalaymyo
Ph: 09425305479

 


Comments




Leave a Reply