WWW.TUNGZANGNEWS.COM

 
Malaysia gam, Sabah/Sarawak gamke a-om (Shin Yang Shipyard and SDN, BHD) kici tembaw bawlna setzung khat ah Indonesia te kita’k manin Kawlgam mi 97 apualam pusuak ngamlo in setzung ah kibilhcip uh ci hi.



Hibang thu hong pianna ahang pen, December 23 ni-in Kawlte 2 leh Indonesiate 2 kilai uh ci hi. Tuakhit ciangin tua Indonesiate amau giahna innpi ah vaciah in, alawmte uh mi 500 tawh Kawlte giahna innpi ah vapai in temta, namsau, molhtum te tawh innkim tengah pangin umcih uh ci hi. Kawlte mi tawmzaw uh ahih manun kuamah apusuak ngamlo uh hi. Tua Tembaw setzung zong tu’n kikhak cip hi.



Tuni ciangdong tua innpi sungpa’n Kawlgam mi kuamah pusuak thei nailo uh hi. Hihvai tawh kisai avaan dingin Kawl kumpi in Malaysia kumpi, Brunei kumpi leh Malaysia Kawlgam Palaai Zum te zaksakna le huhngetna neikhin uh hi. Tua akikhumcip Kawlgam mite patau lua-uh ahih manun, nasem ngam nawnlo in Kawlgam mah ciahnuam ngaungau uh ci hi.


Thupuak,
Zam Sian Sum

 


Comments




Leave a Reply