WWW.TUNGZANGNEWS.COM

 
PictureNelson Mandela, South Africa in kum 95 in hong nusia
Nelson Mandela, South Africa’s minam kideidanna “apartheid” a kici, mivom leh mikang ki langbawlna pan kilemna suahtakna kipumkhatna a pia a piang sak pa in December 5, 2013 Thursday ni nili ni’n kum 95 in hongnusia hi. A mah pen Rolihlahla Mandela 18 July 1918 Mvezo, Cape Province, South Africa ah suak hi. Nelson Mandela in 1994 pan in 1999 dong South Africa ah kumpi term khat sung sem hi. South Africa gampan leh mivom lak pan in kumpi a sem masa pen leh mivom mikang kideidanna pan suahtakna a pia pa a hih ban ah South Africa gam in pa ci-aa a ciapteh uh hi. Leitung bup ah mihing te suahtakna leh kilemna kipumkhat na piangsak pa ci’n kiciam teh hi.

Hih minam kideina “apartheid” pen a beina ding in kumtam pi thungsung ah om in kum 27 sung thungtang hi. Human rights mihing te suahtakna a piangsak pa hi in Nobel Prize zong sang hi.

Mandela pen a khangno lai in mikang te khutnuai ah lawyer sem in gamthu minam thu te tawh kisai pen mivom te'n suahtakna ngahlo a hih man in non-violent  kici India’s Mahatma Gandhi aa dan mah zang in hiam palo bangmah suan neilo in nasem hi.

Leitung bup “apartheid” deihlo langpanna campaign hong om ciang in 1990 in kum 71 in kisuakta sak hi. A suahtak zawh a kipan mivom mikang kideidanna om nawn lo in a kibang suahtakna ngah uh hi.

Mithupi mimanpha taktak a hih man in a ma thu a ma nuntakna nasepna te at ding tampi om hi. Tua te mailam ah damdam in I zomto ding hi.

A theihhuai thute a hun zui in TZN pan hong kisuah zel ding hi.

.


 


Comments




Leave a Reply