WWW.TUNGZANGNEWS.COM

 
PictureThuthak Tomkimcing 5 Dec 2013
A. OIC Kawlgam hongpai hun a, Lungpho nabawl Makaite kiman

Abeisa hun a, leitungbup gam 57 kipawlna Islam OIC makaite Kawlgam hong hawh hun in lungpho nabawl makaite leh biakna vai ah phinbawlna laidal leh Signboard tawi teng kiman cih Yangon Bahan Palik Oo Tun Mwe in BBC ah phuang khia hi.

B. Thau tamtak tawh Zomi nih kiman.

North Vanlaiphai palik-te leh 14th Assam Rifle-te'nDec 2 ni zan lam daak 1:30 hun in MZ -04 4240 Khualailung check uh leh thau honlom khat man uh hihi.Thaute pen 40mm grenade- 39,Rifle MA-3 MK-II 5.6mm- 4 leh magazine 8,Rifle 7.62 mm- 10 leh magazine 20,LMG magazine- 1,Pistol 9mm- 1 leh magazine 2 Silencer pistol- 1,5.556 ammunition- 532 rds,Telescope sight- 1,LMG 7.62 mm- 1,Rifle sling- 8 hiteng ahihi. Motor hawl pen Thang Deih Tung kum 30 s/o Sing Ngaih Sut' Champhai Vengthar leh, Lian Khan Mang kum 30 s/o Gin Go Pau Champhai Dinthar veng te ahihi cihi. Tuaban ah phone 3 leh sumvom Rs 7192 zong man uh ahihi. Mizoram Palik PRO, K Lalremsanga gen dan in Champhai khuapi pan in Pu Thang Lian Pau galvanten Lunglei khuapi ah koih ding in Thang Deih Tung Leh Lian Khan Mang te asawl ahihi cih Vanglaini pan kigelh khia ahihi.

C. Corruption aomloh hang Bribery om veve.

Kawlgamsung ah khelsel guknekna kiamtuam ahih hang in mipi lamte in akisamlualo pi golhguk piaksimna om thei veve lai ding ahihi. Adiakin Company nasem mi te lam panin nasep masuan vai kihon nang in Golh guk piakna zangsim thei uh ahihi. Tua man in Golh guk nene khelsel nei tepen kumpi nasem te lam hi den a, aniampen khua hausa pan kipan ahihi. Hau sa nangawn Kawlgam khasum asan uh teh Corruption khiatuam hi napi mipi lam pan golh guk pia sim thei kiom kha tawng tung ahihi cih "(Right to Counsel: The Indepen-dence of Lawyers in Myanmar) te in mukhia hi.

D. Malaysia ah Gamdang laitawh kigelh Signboard's kideihlo.

Malaysia Kulalumpur khuapi sungah Kawllai leh Nepal laitawh kigelh ansai golpipi te asawtlo kipaihkhiatsak ding cihthu om ahihi. Adiak in Kualalumpur khualai sung ah atampen om aminthang dawr pi 77 te kilak khiat sak zo ahihi cihi.

F. Letpadaung taung vai lungphona bawl ten China Dial ahal man un kiman.

Kawlgam sumngo mual vai in lungphona abawl Yangon ah Chinna gampua palai zum mai ah Nov 29 ni in China gam dial meitawh ahalsak man in Dec ni 3 ni -in thukhun khen na 505 tawh kizui in palik ten manphot uh ahihi cihi.

Hau Thang


 


Comments




Leave a Reply