WWW.TUNGZANGNEWS.COM

 
Tulaai Leitung Thuthang Tuamtuam updates Dec 31,2013 

Malaysia gam Penang khua Meileeng lampi kiang khat ah Kawlgam mi numei kum 21 leh kum 41 ding minih agawl ki at in asisa in Palik ten mu hi ci in The Star thukizaakna ah 12/31/13 ni in suaksak uhhi. HIh akithah zawh minutes 30 ding pawl in Bus tawh apai kawlgammi pasal 2 palik ten upmawhmat in thusitsan uh cih zong genbeh hi.


December 31,2013 ni in Kawlgam President U Thein Sein thupiakna tawh gamvaai a thongtaang mi 12 kikhahkhia a, hih akikhahkhia mi 5 lak ah PNLO pa-aih minam gaalkaap 1 leh KNU Karen gaalkaap 1 kihel hi ci in Kawlgam gamvaai thongtaang encik pawl in taangkokhia uhhi. Hih akikhah khiatna thu akitaangko laaitak nikaai 6:30 hipan a adang zong kikhah laaikhading in kilam en hi. 


December kha 28-30 nisung USDP party te in 2008 Kawlgam thukhunpi puahphat nading tawh kisai thukikupna nei uha, Nam 73 bawlphat ding in thukimna nei uhhi. Hih thukimna nam 73 lak ah adiak in Daw Aung San Suu Kyi i tapa geel ahi Kim Aris  leh Alexander Aris te Kawlgammi asuah uhleh Daw Aung San Suu Kyi President suakthei ding cih leh Hlutdaw ah gaalkaap 25% akihel na thutawh kisai in laihlohding cihthu te kihel hi ci in Hlutdaw U Hla Swe in 12/31/13 ni in genkhia hi. 


Leitung gambup amunmun ah 2014 kumthak nopcitak in dawndingin akilawp mahmah laaitak in England gam leh Wales gamte ah nasia tak in huihpi leh guahpi nung in zu ding ahihman in mipi te kidawm mahmahding in khuahun tawh kisai thunei te in thupia uhhi. 

Laaimal kikhial kha aom leh ngaihdam bawm ah maw 

-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com
 


Comments




Leave a Reply