WWW.TUNGZANGNEWS.COM

 
Malaysia gam Sri Petaling khuapi sung lutcilna Malay-Kalantan Seafood Ansai gei ah tuni Thursday, January 2, 2013 (7:30 AM) hunin, gulpi khat kimu hi. Tua gulpi pen Thampi (Pathon Snake or Ular Sawa) namte hi-in, agei-aom mi tampi in en ngeingai uh himah leh aman ngam omlo ahih manin, Police te kiko hi. Police tezong thakhat thu-in, hongtung ngeingai uh a, thau tawh akap sawm laitak in, Ansai nuai-a kuavang khat ah nawh takin lutphei ahih manin, kapmanlo uhi.
Tua kuavang pen ansai nuai ah vangphei-a, thampi adingin akhuasakna phualpi hidingin kilamen hi. Ansai pen nitaklam nai nih pawlin hong uh a, zingsang nai 3:00 pawl ah khak uhi. Agei-a Malay te' genna ah, "Gulpi pen thahsak huailo hi. That lehang, ansai neite' adingin buaina lianpi piangthei ding hi," ci-in, gen uhi. Tua thampi pen ansai neite asiam khat in mu uhi. Saineu nokhat ahih zenzen hangin, Business gang mahmah a, nikhat in sumlut 5,000 nuai-ah om ngeilo, ci uhi.

Note: Himun ah kei mahmah zongh va kihel ing. Gulpi pen alaizang pheicia pha-in, alu leh amei pen bancia pha hi. Asauna pen pi sagih/giat pawl pha hi. Alutna kuasung panin hong pusuah hun ding kitheilo ahih manin, Security khat tavuan kipia-a, tuapa-in a-etcik laitak ahihi.

Thupuak,

Dal Sian Hung
Kuala Lumpur, Malaysia.
 


Comments




Leave a Reply