WWW.TUNGZANGNEWS.COM

 
Picture
A. Tuni Daw Aung San Suu Kyi Tedim ah hun nuam zang thei.

Daw Aung San Suu Kyi tuni 7 Jan 2014 Tedim khuapi hong kah to petpet ta a, mipi tampi in mai muak nanei thei uh hi. Kam Hau Tual pi ah mipi atultul sim in thu kingak demdam a, gam thu vai, Mipi thuneih na leh kiuk na ah thukhun te et phat huai zia , phuahphat ding kisam cih te liim ci tak mipitung ah gen khia ahihi cih Thungai apai te tungpan kithei khia hi.


B. Kawlgam tawlam Boppyin Myonee Khuapi ngei ah Ngapi si.

tawlam Boppyin khuapi huam Langphih tuikulh ngei ah Ngasa golpi asi sa in 3 Jan 2014 ni in kimu ahihi cihi. Asauna 46 ft hi in apum bemvilkim 20 ft in gol ahihi. Aguh klanuam a, kum khat bang ngak kul ding ahihi cih Zaw Min Oo, Leh Yee Min Tun te in gen khia hi.

C.Lungdam mahmah hinapi Ngaihsut huai Zonuamzang.

Tedim gam Zonuamzang Kawlpi pan lampi hoih leh daak lang pai na khua ah Kawlsiampi lian khat leh Pi Sut Cing in siamsin na sang huhna vai leh etkik na nei pen lungdam huai mahmah ahihi. Ahizong mailam hun ah Khai Kam siamsin na mun teng Kalay in ahuam bang in Zonuamzang zong hun khat teh thu kibel hei thei maimai ding ahihman in lungdam mahmah na pen anungzui hoih khin lo ahihi cih Phone pan in Zomi te ngaihsut huaina thu theihsakna' hong kipia kongsuak sak kikhi.

D. Zalen tak in thuthang nasepding vai Lungphona Yangon ah om.

Abeisa hun in Eleven Media thukan telak ah khat ahi Ma Naw Khine Khine ( B) Makhine kimat na vaitawh kipawl in 7 Jan 2014 ni tu ni in Yangon ah Thuthak leh thuthang vai nasep zalen theihna dikkip mipi aneih zawh leh phalna zalenna aomna ding in Khangno honlom khat in lamdungah lungphona bawl in Awng suah uh a, Eleven Media zumpi Tamwe pan in Yangon Myotaw Hallpi mai dong he tawh pai ngiat in lung phona bawl uh ahihi.

E. Mizoram ah Khua Hausa leh Member te pahtawina sum khang.

Mizoram ah Village Council te liimsu pahtawina sum adawldawl in khang sak ahihi cih thu kiza hi. President te ,VCP Rs.1000/PM, Vice Rs. 800/-, Member Rs. 600/-, Secretary Rs. 600/-, Taangko te Rs. 450/- cihbang in nop tuamna ngah uh ahihi.

F. Zomi TV thuthang vai in' K- te lungtang dawt kha vel.

Zomi TV pan in Pu Cin Sian Thang, ZIUSA Makaipi leh ZRDP Makaipi te in Census hun leh amun dangtaumtuam ah Zomi kici ding hihang cih miphiat kalsung thugenna leitung thuthang tangko pan hong phuang khiat ciang in K te lungtang dawt kha velvel ahihi cihi. No Zomi kici nuam te gamsungah guahzu meei kai nathuak loh pi uh' Gam leh Nam ading in hun pialo hun beilo in olno tak in nadeih uh ngah ding in kilamet huai lo ahihi cih' K lamte sung pan kiza khia kik ahihi.

Hau Thang


 


Comments




Leave a Reply