WWW.TUNGZANGNEWS.COM

 
PictureKawlgambup A.G Khawmpi & E.P kiteelna manta
Dear Thu-um mi akuamapeuh,

Topa' panpihna leh mi tampite' thungetnate Topa'n hong dawng a, A (25) veina Kawlgambup A.G Khawmpi leh Delegate Meeting leh E.P thak kiteelna pen Yangon khuapi ah tuni'n nuamtakin man thei ta uh hi.


Jan.14, 2014 ni'n Kawlgam sung mun taumtuam panin zinpi tung uh a, 15-16 meeting hunin kizang a, tuni Jan.17, 2014 (fri) ni-in kum thum a ding E.P kiteelna nei uh hi.

District Council 8 tungtawnin Section tuamtuam pan tangmi kiseh a, Kalay No.2 Section panin mi thum cihbang a Section zui-in delegate kipaisak ahi hi.

A beisa term sungah makaipi, Superintendent pen, Revd L Zawhang (Kachin) hi a, Vice Superintendent pen Revd Go Za Nang (Senior Pastor, AMC) Kalaymyo ahi hi. Secretery pen Revd Hla Myint (Falam) hi a, Sumkem pen Revd D Yaw Ram (Kachin) ahi hi. Tua loteng D.C ciat pan makaipi teng member ahi uh hi.

Tutungin maikaipi, Makaipi huh leh Sumkem pen a lui teng mah in hong ngah zom suak lai uh a, a lui ah Revd U Hla Myin mun ah Secretery pen a lui ah Revd U Hla Myin mun ah Revd Dr Suan Za Pau (D.Min) Senior Pastor, Word of Hope Church, Yangon in hong ngah thak ahih manin lungdampihna thu i pulak hi. Tedim BBC LST sangsiapi Revd Dr Thuam Khan Thang zong member khatin hong kihel thei ahih manin i lungdampih hi.

SECRETERY HONG NGAH THAK, REV.DR.SUAN ZA PAU' TANGTHU TOM:-

Dr.Suan Pau pen a khualui Luangel khua, Tongzang Tsp.pan hi a, tagah dinmun pan a khangkhia ahi hi. Leitung lampanin B.A (Day) tawh zo a, tuapanin Hakha khuapi ah kumpina sawtsim sem hi. Tua panin Philippians
ah LST sangkah a, M.Div. a zawh khit ciangin Yangon ah Pasian' nasep kipan a, pawipi zong phut hi. LST sang leh Tagah kepna sang zong nei hi. Pasian' nasep kawm mahin Phillipines ah D.Min. galzop a, nungkum in zawhna hong ngah khin ta hi. Tulaitak ama kum pen 55/56 pawl hi pan bek ding hi. Mi nunnem leh lungsim sia het lo khat ahi hi.

Dr.Suan Pau' pa, (Revd Kai Suan) pen Luangel siakhawk sungah Tapidaw masa pen pawl hi ahi hi. Amau Dr,Paute unau nih bek pha uh a, a u nu pen nidang a Tonzang ah sumbukpi ahi, Pa Cin Khan Dal' zi, nu Cingtawng ahi hi. A zi pen Lakhui sunga lasa zel, Nu Lal Sang Lian (a) Sangpui ahi hi. Kivakna ahau, mi kizen phadiak khat ahih manin a pasal nasepna tampi mapanpih thei ahih manin zong lungkimhuai phadiaklai ka sa hi.

Rev Dr Suan Za Pau pen Kawlgam a A.G LST sang masa pen Evengel Bible College ah zong Sangsia sem kawm a, D.C No.3/Yangon D.C te ah Superintendent hunsawt sim mah makai sem a, tu-in zong a seplaitak ahi hi. Topa'n mabante ah a thakin hong zatsak semsem lai ta hen, cih thupha paihkawmin lungdampihna i puak hi.

GROUP PHOTO:

Hih tutunga GC kiteelna maan/Photo pen G.C ah E.P hong ngah thak teng hi a, veilam pan a masa pen ahih leh Video Record vaipuak la a a cial uh, Sia Peter Mangpu (Yangon) ahi hi. Aman A.G net ah a photo tawh hong khahkhiat pah manin i lungdam a, mi tampi' muh theih dingin kong suahsak sawn ahi hi.

NB: Biakna pawkkhat min ahih hangin ih gam level a kiteelna leh i mipih tampite'n zong hong angtanpih ding cih ngaihsutna tawh Zomi net i neih a lian diakte ah hongsuaksak khawm ka hi hi. Vekpi' tungah Topa' thupha hong tung ta hen! Amen.

Deihdak Thupuak,
Peter Khampu
--

Peter Khampu
CMedia, Kalay

"...Na hoih sep ding cimtak kei ni, a hun a tun' ciangin a gah i at
ding hi" (Gal.6:9).


 


Comments




Leave a Reply