WWW.TUNGZANGNEWS.COM

 
(1) Minam tawh kisai-in na minam (Zomi) min man takin at in. Tua in na minam ading sauveipi kimang dinga, mi namdangte khemsa tawh na minam min na at ngam kei leh na minam supna hi ding hi.


(2) Neihlelamte zong phiangsiah (Tax) lau manin khem kei-in. Ahi bangin at in bangmah lau nading om lo hi.



(3) Na innkuan sung pan in gamdang ah kumpi theihpih/theihpihlo hi tale bangmah lauhuai lo hi. Misimte na inn hong pai ciangin, NRC No ahi zong, Innkuan lai ahi zong aneihloh hangin zong ahi bangin at zaw in.


Hih mipi kisimna tawh kisai-in, gennop thupi (3) ka nei hi.
(1) Khuasim, innkim ah pai-in mi kisimna i bawlna pen mipite phat tuam nading a, Kumpi in kisam ahih manin, hong kidongte zong ahi bangin na na dawn nading un kong thum nuam hi.


(2) Mipite in zong hih mipi kisimna ah na hih theihna mun tek panin na huh na panpih ciat un.


Sumlepai tampi bei a i bawl hi a, mipite lawp takin semkhawm dingin hong thum nuam hi.


(3) Veng/khua Hausate le vaipuakna neite in, na veng/na khua mi phazah na neihsa uh tawh akituah ding thupi hi. Tua bulphuhin na kisem ding ahih manin aman ding thupi hi.


Hih nasepna ah Hausate pen na veng/na khua ading ah makai in adang mi (9) tawh kipawl in nasem khawm ding hi. Na veng na khua sung thu a thei pente nahih man un, veng khat le veng khat, khua khat le khua khat minam khat le minam khat kikal kithuzawhnate om lo in, ahi bang linlian in a at nading un na panpih un. Kawlgam sum le mipite tha zangin, gam i phat tuam nading seploh bawlloh phamawh ahih natawh kibawl ahih manin, amun le amual zui a, thulela khat peuh omte zong na hih theih zah un hanciam un nasem khawm un, ci-in kong thum nuam hi. ZYA Weekly News 22 November – Lom 3 na, Hawm 43 na.

Tulai tak 2014 Kawlgam Census vai net teng ah ki lim gen mah mah hi. Nisim in Tedim ah mi 50 in net sim lo ding aa, Kawlpi ah mi 100 in sim lo kha ding hi.



Tua ahih ciang in, Tedim-Tonzang-Kawlpi-Khampat-Tamu aa om mipi te in Zomi a gelh na ding un zaksak na lai (waisa - brochure/pamphlet/flyer) hawm ding kisam hi.



Gamdang aa om te'n nisim in net te ah lai i gelh ban ah, sum tha tawh i panpih ding kisam hi. Hih vai kong zaksak na dung zui in Zomi Association of U.S. tung ah kam ciam ong ki pia $620. ki ngah ta hi. January kha sung in sum khak zo leeng hoih ding hi. Lung dam.



ZCD in hih vai in, Kawlkumpi thu nei te tung pulak na ki muhna avai hawm na te uh ong zaksak zel sim khin tek ding hi hang. Hih vai in ZCD vai hawm na te tha paik ding hoih hi. Party nainganzi vai in ngaih sun kha kei ni.

Topa thupha.

King Mang

 


Comments




Leave a Reply