WWW.TUNGZANGNEWS.COM

 
Tulaitak Malyasia gamsung ah kimat kihenvai "Operasi" cihbekbek ki lunghimawh mahmah hi. Akicing pen leh ahipah linlian cihnabel hisamlo in, ahi zongin hih hunsung ah bangci bangin kikemding cih mipi theihding in akilawm thutawm hong hawmsawn nuam ung. Kumpi theihpihna om hetlo ngiat leh phalna omlo in Malaysia gamsung ah gamdangmi tamlua mahmah ahih manin hihte amannuam masa hizaw hi. Tuate lakah ih kihelkhak lohnading in ei koici omleng lungkham omlo pending hiam?


1) Ahih theihleh innzang pan mawkvak khiatkhiat lohding hoihpen hi.

2) Hih Operasi vai hongki patcil sungteng ahih theihleh nasep tawmvei khawlthei lehang hoihpen dinghi.

3) UN Card neihang ci'n thunei tetawh naki tuahleh kammalhoih tawh galtaimi nahihna awnem taktawh thuumin kigen in.

4) UN Card tawh Malaysia gamsung ah suaktatak leh utbang in ki omthei nailo hi.

5) UN Card tunga Photo kitello, Laimal kitello, Card kitan leh kumbeisa Expire cihte tawiloding

6) UN Card neite innzang pan thunei te'n hongsit ciangin a ziakhat omzawdeuh a, ki suakta hi. Nasepna munkhawng ah ahihleh hong kaisuakthei uhhi.

7) Kipawlna Card bek atawilai te adingin utloh penin mat ihtuah zenzen leh lauluat pahding hilozaw in, na kipawlna zumte khat teitei ah ahunlap in thu zasakpah in.

8) Kipawlna Card bek tawilai in naki matleh ahithei thumah hi. Nang ading in UN na ngahtheih nading lampi hong kihong cihding hizaw hi. Ahang in Zomi te phadiak pen galtai dinmun ih hihna Malaysia kumpithunei te'n hong naktelkhia mahmahta hi.

9) Amau gamciat puakkik pahding cihpen Zomi tetawh kisai lualo hi. Galtai nahihna naki gentheihding hong thupi dinghi. Ciahding nagen kei a, na utkei nakleh UN te honglak mateng Camp ah ngakding himai phot hi.

10) Thuneite tawh naki tuahleh UN Card neilel ing ci a, aki phasak te pello kiman hiphadiak hi.

11) UN Card neisa ei Zomi te atam simpian in kipawlna te leh makai te thupisim nawnlo leh kisam asalo ki ommawk hi. Thupaizia kantel in theitaktak lehang ih kipawlna ih makai te mahtawh mapang khawm a, ih minam sungah ihki sapna te ih sepkhop theihding tammahmah hi.

Deihlohpen in kimat kihen natuahkhak zenzenleh ahunlap in hong zasakpah in. Nakimat phetin Phone tawh hong zasakpah lecin hoihpen hi.

Thaa Mung/ZAM iNFO

 


Comments




Leave a Reply