WWW.TUNGZANGNEWS.COM

 
Thuman gente kimudah thei a, zuauthu hiphial taleh hong phatphat, hong lungkimsak pawlkhat pen pil sazaw thei hihang. Thuman gen tinten aom mah bangin, zuauthu dik agengen zongh tampi ki-om veve hi.
Linguistics view point panin, laigelhzia sit tinten hilehang, thu khatpeuh isuah takciangin, net sungkhawng diakdiak ah min mai-a kizangh ihihna honglak pawlkhat pen amun leh ahun zui-in, gelh theih ding kisam hi.

Gentehna:

Pa C. Thang Za Tuan
Sia Do Suan Mung

Hih atunga tengbang pen amau hihna Rev. or Dr. or Prof. cihte amau zatzia ka et cianteh ahun leh amun zui in zangthei kasa a, khangthak te inzong etteh pah dingin hoih kasa hi.

Pa C. Thang Za Tuan

Pa Tuan pen ama' hihna taktak enlehang, Kawlgam ah, Deputy General Director (Ministry of Education) dinmun hi-in, Kumpi te-in, Prof. dinmun leh Dr. (Ph.D) ana piak ngiat uh ahihi. Ahi zongin, i Zomi sungah Net sung khawngah thu hong suah khiat tak ciangin, Pa C. Thang Za Tuan ci ngimngiam in, linguistics view poit panin, laimal zatdan asiam mahmah hizaw hi.

Sia Do Suan Mung

Hehpihna le pahtawina tawh akikhol hisamlo in, USA gamngiat panin, ama' nasep lawhcinna hangin, Doctorate lukhu nelkai ava ngah ngiat khat ahihi. Ama nasep pen Zomi sungah Private Sang thupi pen hi-in, Faith Baptist Theological Seminary ah Founder & Principal dinmun hi-a, Rev. leh Dr. kician zongh angah khat himah leh, Zomi sungah min zatsiam khat ahihna pen ama' lai gelhzia tungtawn in kilangh khia a, linguistics view point panin min zatdan siam khat ahihna kimu khia hi.

Rev. Dr. Prof. Pastor. Evan. cihte pen amun leh ahun zui-a zatsiamna pen Literature leh Linguistics zatsiamna taktak hi, ci-in, i ciamteh hi.


Dal Sian Hung
Kuala Lumpur, Malaysia.
 


Comments




Leave a Reply