WWW.TUNGZANGNEWS.COM

 
Tunai Kawlzang Zomite lak a thupiang

Kawlgam ah Information lamsang hong khang toto-a GSM simcard zang in Handphone mi tampi in a tawi theih nadingin Kumpi leh companyte in hong hanciam uh hi. A bill / zatman a tam hang in a simcard pen nidang tawh tehtheihloh phial in tawm man mahmah tawh hong hawmkhia uh hi.


A hizongin Mipi in kilunggulh lua mahmaha, Bill tam cih kiphun lo a Simcard ngah kim zawh loh pen kilungkim zo lo
zaw hi.

Tunai lam
ciang in Ks 1500 man ( = S$ 2 ) GSM Simcard pen khasim phial in kihawm hi. Ahi zong in mipi in a deihzah, a kisam zah kihawm khia zo nailo hi. Tuma deuh in MaukLyin Ohsuh in zong mal 200 ngah hi. Tua pen mipi tung ah mee sawk a aki hawm khia ding ahi hi.

Ahi zong in tua simcard 200 lak pan Chin Yiya WunGyi Pu No Than Kap in mal 40 dokkhia-in MaukLyin Ohsuh Hausa,( Letpanchaung khua Hausapa ) tung ah mal 160 aap hi.

Hih thu mipi in a theih ciang lungkim lo ( mipi' ip kisawksak ) ahih man in Hausapa khia/ thubawl uh a, Hausapa thu kisit-in a tawpna ah WunGyi pa mawh kipaih lo-in Hausa pa a zaa kikia sak/ ki tawpsak a MaukLyin Ohsuh Hausa a thak kiteel kik hi. Wungyi pa in Simcard mal 20 pia kik cih thu kiza hi.

Hih thu meizom a behlap: -

( Mauklyin Ohsuh icih pen Mauklyin hausa uk cihding hi-a, hih hausa uk sung ah khua 10 val bang om in, inn 4000 val bang om hi. Minam in cile'ng Zomi ( Ngawn inclusive ), Mizo, laimi ( Falam ) tampi a tenna khuate hi a, khua golpi ( inn 700 - 1000 ) tampi kihel hi. Mauklyin khua bek phial petmah Kawl khua hi-in inn 100 khawng bek apha khua ahi hi. Ahi zong in Newin hun lai a hausa uk
kiphut tudong aki zuisuak hi in, tua a khuaneu pen Kawlkhua min apua hausa uk ahi hi.

Hih khua teng pen gullu mual bul dungsuk a khua teng ahi hi.

2010 kitel lai in Kawlzang ah " Chin " minam 53,000 om in kiciamteh ahih man in " Chin represent ding in" MP khat kiteel a, Pu No Than Kap in ngah hi. Aman Chin Affair Minister ( Chin Yiiya Wungyi ) sem pah hi. Zomi 50,000 om leh " Zomi Affairs Minister" kinei thei ding cihna hi-a, Zo 50,000 om leh zong tuamah hipah ding hi. Siyin Chin, Khuano, Dim, Tedim, Lusei...etc zong tuabang mah hiding hi.

Hih thu Chin Yiiya Wungyi cih tawh kizom ahih man in banghang in Pu No Than Kap in Chin Yiiya Wungyi sem thei cih itel ding deihna tawh a thu meizom a hih teng ong behlap kahi hi. )

pksuan



 


Comments




Leave a Reply