WWW.TUNGZANGNEWS.COM

 
I gam haksat luatna tawh Malaysia kitung khengkhang tek hi. Khangluite'n "Gallu kihta gallu tuak" acih uh kiphukha phial bang zah dongin, Malaysia ah khuahun sia mahmah hi. Ahangpen, Malaysia gamah gamdangmi permit neilote' hangin, Malaysia gamsung sumlut tampitak helhem hi. 
Malaysia gamah kumpi' phalna tawh nasemte'n kumkhat in, RM. 1,800 bang kipia kha hi. Tukha sungbek in gamdangmi amat uh 6,000 kimbang phata a, hitengbang kumpi' phalna tawh nasem hileh, kumkhat in RM. 10,800,000 bang kumpi in sumlut anei ding ahihi.

Malay kumpite imawh sak theih nading omlo a, adik mahmah uh hizawlai hi. Tutung operasi pen khanih sung buaipih dingin gelna nei uhi. Agamla lamte nak mat mahmah ta uha, khuasung lamzong alut lutna om hi. Khatzong sitlo-a matsiang ding gel uha, UN ngahsa teng nasep theihna khat bawlsak in, UN ngah nailo teng pen Kawlgam puak kik ding or Thai gamgi ah puak dingin gelna nei uhi.

A zenzen in, Kawlgam ciahnuam lel te' adingin Myanmar Embassy ah thu le la kidawp thei hi. Tulai tak in lampi kihong mahmah hi. Bangbang ahi zongin Pasian deihna icih theih ding hoih kasa hi. Malaysia pen "Gallu kihta gallu tuak" cih dinmun ahih manin, i gamlam panin hahtangpi in kuamah hong paipai keiphot lel leh hoihzaw kha ding hi.



Dal Sian Hung
Kuala Lumpur, Malaysia.
Mob: 011-1521-5972
Email: dalsianhung@gmail.com
Facebook: Dal Sian Hung
 


Comments

11/29/2016 08:58

It sounds very interesting to read about third word zombi convention that’s why everyone will love to read this blog. Because its theme is very exciting and informative in its own sense. Specially those people will find it important who are living in Malaysia Khuahun. So, frineds go through carefully and enjoy this stuff.

Reply



Leave a Reply