WWW.TUNGZANGNEWS.COM

 
Picture
Malaysia


 gamsung ah mawtaw hawl nasem in aom ahi Tg. Nicholas Pau Cin Suum in 24 January 2014 (Friday) ni in hongnusia ahih manin ZomiDaily pan dahpihna kong pulak uhhi.


Tg. Nicholas Pau Cin Suum pen Laitui khuami hi a, Gualnam beh Pa Tual Pum leh Nu Niang Don Cing te tapa neupen ahihi. Unau 6 apha lakah amah anautum penpen ahihi.

24 January 2014 (Friday) zingsang 4am pawlin anasepna lamah mawtaw tawh aciah laitak un Motor Accident ahih manin aphual ah hong nusiapah hi.

Akhasiat huai mahmah khatah Tg. Nicholas Pau Cin Suum ii asanggampa khatinzong 2006 kumzing Malaysia gamsung mahah hong nusia ngei hi. A upa pen Steven Thawng Za Cin hi a, gilsung natna tawh zato pan hongnusia ahihi. Kentucky, USA pan tulaitak "Tulaai Leitung Thuthang Tuamtuam" cih thulu tawh thuthang tuamtuam honggelh khiazel Sia Thang Khawm Pau leh ZAM Palai te'n sanggampa Steven Thawng Za Cin hongnutsiat hunlai in zato vai leh zumvai akisam khempeuh hongvanpih hi.

Tutung sanggampa Nicholas Pau Cin Suum luangvai tawh kisai ZCCM (ZomiCatholic Community Malaysia) leh ZAM Palai te'n abuaipih laitak ahihi. Bangmah thunawngkai aomkeileh zingciang 27 January 2014 (Tuesday) ni in aluanghawm vuitheihding in ki lamen hi. Thunawngkai, la nawngkai aomloh nading in thungetna ah naphawksak unmaw.


 


Comments




Leave a Reply