WWW.TUNGZANGNEWS.COM

 
Minam min ah ZOMI at ding in nasiatak in ma kipan sawm hi cih laiki at te sung pan kimu a kovai hawm hi a ci nuam bang kek in mailamthu bangpiang ding cih ngaihsun lo pawlkhat zong om hi leh kilawm hi.Kua in bang vai hawmhiam cih kipawl na te ensuk taktak leng ZOMI cih na mun dingpen OTHERS a cih na mun hi a hih tawh kisai kuamah a masa ngam ,a sem ngam,a phu ngam,a vai hawm ngam om lo a hih lam ki muthei hi.

A taktak in a hun in alap nawn lo cih dankhat ahih leh zong ngaihsut ding namnih om thei ding hi.A masa ngaihsut napen Others ah ZOMI at ding cih a hihi.Hih tawh kisai in ZOMI at takpi in kumpi ten Taizinta sung ah honghel kei leh bang civai hawm ding,Me khawng hong khia sak kei leh bang civai hawm ding cih thupi mahmah ngait sut na ki gin khol na kisam phamahmah hi.Banghanghiam cih leh nung deuh mah in kum pi in ZOMI om lo hi hong ci a tua hun lai tak in ihmuan ih suan kipawl na pawl khat in ZOMI pen kua mah hong thuh thei hi kei pha mawh kei ci ziau lel in a hih hang in Malaysai leh Australia pan lungphona nei in kumpi ah laikipuak a tua pan hongsang kik hi pan hi.Tua na ngawn hongsang taktak hi leh tulaitak a minam min at na ding mun ah ZOMI ci in at ding uh hi .Hong sang taktak hi loin a husa hong dai sak pak ahih na kimu thei hi.Kumpi te pen bangbang hi leh mawk thusim loh cih bang omthei lo a hihman in suahtakna ih ngah ma teng a mau kiang mah ah phut tangtang nget tangtang mah kul a a mau om a cih leh a om hi in omkei a cih leh a om lo mah honghiphot ding hi.tua a hih man in om hong cih na ding vaihawm na, nasep na te a kisam a hih lam ih pawk hi.Tua a hihman in hih tawh kisai Others at leng a ci te in hongtua ci leh hicih ding cih dan mipi tung ah gentel na a man lang in hong neih ding kisam mahmah a hihi.

A dangkhat pen tulaitak a hong ciapteh na Sihzang,Teizang,Dim....cih te mah ah at photphot A hun tawh kituak in hih teng kithu thuah na tawh Ko hih teng pen ZOMI kici ung ci a kumpi tung mah ahgen in ,Phu in han ciam ding ahihi.Bang hanghiam cih leh Sihzang khat in kei sihzang hi keng cih theih bel om hetlo hi.A sihzang hih na ki tan thei lo a zong tan nuamlo ding hi.A hizong in ko sihzang teng leh a dangdang tuateng tua teng ki gawm ZOMI ki ci ung cih ding pen lam man ahihi.Makai khat peuh in ZOMI at na ding Mun hong bawlsak thei mateng pen Tua omsa min te mah ah at photleng bang a citam cih ding ahihi.

Bangbang ihci zong in a kung omlo pi a a gah lawh dingbel a ZOMI ten ngaihsut huai hi.

Tulaitak a ih makai te hong sawl Others ah ZOMI at ding pen neding hi leng SU paiding leng lah Sa mah a cih tawh kibang lian pian hi.Bangbang ahizong in a kungsuan ding ,a phukhia ding ZOMI makai a kisam mahmah hi phot hi.A makai nuam peuh in sep ding ahihi.Tuabang asem,aphu, aom leh ahau a a zawng,apil a a hai zong in ZOMI makai cih ding hi a Tualo pi makai ih cihcih pawl khat pen a zumhuai a hih lam zong ih telthei ding a kisam khat ahihi.

Hih teng pen keima ngaihsut na hi in deihna bulpi ah Makai lampan in gencian na,lah tel na kicing tak in ih zak nop man hihi.Kei muhna pan in ihmasak ding teng nawnun in ih nawnun ding teng masak hi leng kilawm kasak man zong ahihi.

Ih ngam taktak leh OTHERS ah ZOMI ih at sangin bangmah at lo in kumpi ten kominam min gelhna ding hong pialo hi ciin lungphona neih ding hoihsazaw lai ing.

ZOMI A KICI TAWNTUNG
SUUMZOMI
MELBOURNE

 


Comments




Leave a Reply