WWW.TUNGZANGNEWS.COM

 
A. 2014 University kahto theih Laihuan ding 580000 val pha ding. 
Tukum siamsinna dawltungnung luttoh theih laihuan ding dawl 10 siamsin laidotna adawng ding Kawlgambup sung mimal 580000 val pha ding in lam en uh hi. Laihuan ding minpia 588473 pha ahihi. Laidotna pen gambup ah mun1285 ah om ding ahihi cih Siamsin Mangputal phualpi pan phuangkhia hi.


B. Census & Zomi Movement
Kawlgambup mimal kisimna tukum March 30 pan April 10 hunsung bawl nading ah Kumpi in eideih Zomi code koihlo ahih zenzen hang in Zomi hihang' Zomi hi ung, Zomi hongci un' Zomi in hongsam un cih deihna bulpi kithu hualtak in Zomi mintawh makai gamsung gampua Nam kipawlna te' Biakna Siate ki muhkhopna leh thukim na la khawm a, Zomi nam ni in mipi leh thunei kumpi tungah theihsakna kipsakna phuan khiat zawh ding kisam ahihi cih mingenlo kumpi nasem te tungpan ngaihsut piakna om ahihi.

C. Khuadaak Khua (ပ်ဥ္းခုံၾကီး) ah Van kham kiman.
Kawlpi huam Khuadaak khua ah teeng Lia Ram Nem Thing tung pan in Kawlpi Narcotic te in Vankham Zatang 1216600 Kawlsum in Kyats 121.6 Sang man uh ahihi. Van nei pen Letpanchaung khuapi ah Pu Cheua,(b) Salai Mang Cin Thang hi a, Pu Cheu a, mankha lo in azi Pi Thangparri leh Kawlsum Kyats 400,00000/- man khawm uh ahihi.

D. A (9) veina Lotdaw khawmpi kipan.
A(9) veina Lotdaw khawmpi ki pan kik ta a, 2014-2015 hun in gambup kumsum zek zia ding vai kikhup pi in nei uh ahihi. Azom ah Kawl gambup thukhun bawl phat ding vai nei uh a, USDP leh NLD Party lian nih leh adang party te zong khel ahihi cihi. Thukhunvai tawh kipawl Ngaihsut piak thu gil laidal athenthen asim in om ahihi cihi.

E. Shangrila Khuapi meikang.
Sen gam tanglaikhuapi khat ahi Shangrila khuapi mei kang in khuapi seh thum suah seh nih kisia cip ahihi cih AP news in phuang khia hi. Meikat hun mei phelhna ki kilut theilo ahihi cihi . Tua ahang in Shangrila Dukezong mun ah akoih meiphelh na setpi khuavot lua hang in aphuak kham ahihi cihi. Shangrila min pen leitung ah min thang mahmah hi a, Singapore, Malaysia, Hongkong, Taiwan leh England gam te ah Shangrila Hotel minthang te kilam kawi kawi ahihi cihi.

Hau Thang

 


Comments




Leave a Reply