WWW.TUNGZANGNEWS.COM

 
A. Zomi Social- Welfare of Malaysia (ZSM) 2014 ai Khawmpi kibawl.
2014 kumsung ai ding Malaysia Zomi Gentheih Liangvai kipawlna (ZSM) Khawmpi Kualalumpur ah 17 Jan 2014' ZAM Hall pi ah Zinglam 11:00am pan 2:09 pm hunsung thupitak in kibawl hi. Pawlpi tek pan Siate leh khua makai te khat ciat kihel a, Palai vive 100 kim kipha ahihi. ZSM leh Pawlpi kizopna RM 200 ta hi ding a, Mimal pen angeina bang in kum khat ai luangkiphaam na milip in Rm 10 tawh Zomi nam luang kiphaam ding ahihi. ZSM pen 2009 Oct 1 hongding khia Zomi luang kiphaam kipawlna hi a, ZSM hong dih zawh Zomi luang kiphaam na sih vui hantang 143 in in thukho pangzo ahihi. Tu um 2014 in zong Khat in hong nusia zo a, Luang kiphaam na 5200 val kibei ahihi.


(a) ZSM gimna nasep. Leitung mihing ihih mahbang in asiding ihihi. Zomi khat asih ciang in Tuisung kipai (or) Mei ah kihal asuah loh nading leh ihih loh nading in mimal in ZSM ah kumkhat in RM 10 tawh luang kiphaamna inei hi.

(b)Luang kiphaamna ah athak zonkullo. Luang kiphaam na ah Zomi ahih nakleh Ngeina Biakna ah avek in deidanlo in kipanpih khin zo a,mimal 143 in Han kitangsak tekzo ihihi. Athak zonkul huailo in kiphawl khop thupi zaw ahihi. Sia vuan leh UN te sep theih nawnloh hun ah hamsata leh ZSM in nasem vaiding in luangkiphaam Zomi nam ihihi. Saya Kam Mung( ZSM)

(c)Genvai cih teh sihna bek zong hikhinlo. Genvai tawh kizom in sihna thuak ciangbek hilo ahihi. Kimat kihen thuak te' Damlo te' Nausuak ding te dong ah Genvai nasem te in ahun ngahbangbang in kisem hi a, adiak in thongkhia te zong Genvai nasem te mah in kivan ahihi. Mi 50 val kiman bang suakta sakding athu in kivan kawikawi a, Palik zum Camp te ah kipai hi. Amau akiman ten hongtel pihlohi. Asuah tak khit uh teh lungdam cih kihilna tam omkhol lo ahihi. Ahih hang in Minam ading nasepna ah kalungkhia kei hi. Sya Thaa Mung ( ZSM)

(d) Genvai kipatma in Malay om kahih man in Hih Genvai thupihi.
ZSM om ma in mikisi zela, kihal ahihi. Kamit zong kamuh hi. Ka hihtheihbangbang in ka huh kawikawi a, kapan pih hi. Akihal te ka mit kha ah luailuai lai ahih man in Zomi khempeuh hih ZSM ah kipawl uh leh nasep vai oltuam sak mahmah hi. Lunggimna nop tuam ahihi. Nidang in hibang kipawlna om lo , Hong hung hong en ding mahmah sum gen loh amizong kimuh lo hi. ZSM sumkeem Pu Zam Dal ( Aungnandaw Ansai neipu).

(e) Biakna sia khempeuh in minam vei kul hi. Minam veina kibang kim lo hi. Pastor teng pawlpi in ivei mahbang in minam vei ding kisam hi. Lungsim hoih lo minam dei pen ei Pastor teng ihihi. Khamangthang mat ding sang in pawlpi mi kibehlap ding agen siam pawl ihi zaw hi. Pasian nasep icihtaktak pen innzuak lozuak in gamdang hongtungte Zomi te kikhelsak in piangthak sak a, Innlam ah sumkhak ding alamen anu apate sum akhak zawh nang in anuntakna kikhel sak ding ei Pastor te in minam tungah nasep lian penpen ahihi. UN akin te leh gamthumna lutdingte Kamphen tawh kiho kimu masa un. Ivek in zuau kihi khin a, zuau phuak siamte lengbaih ahihi. Unau kiteng' Kikhen' Nupa kiteng kikhen' Gamthumna deihtel zia te athulutzia koi ci Kamphem ten kitel mahmah ahihi. (UN Kamphen Sya Kam Tawng).

B. Malaysia Zomi dinmun omzia ding lam hil.
21 Jan pan kipan in Oparasi hatding kum gensa ahihi. Natang guak in innveng te muh in om kei in. Mi ihmut hun ah gam lum kei in' Kahlei/enlai ah zukhamsa in om kei in. Kunza san zeza in nacil sia ei in. Na inn veng nungak te pau kisiam sak in hopih duaiduai se kei in. Kikhop hun in ahun maan in kikhawm in. Pasian phat tawng tung in. Meileng Bus sung leh Lif sung ah paulala se kei in. Nasam met napuansilh innteek te dang in kizeem siam in. Natheilohpi nungak te no sese dah in. Hihte i mite igen siam ding ahihi. ZSM.

C.Census tawh kipawl Zomi leh Zogam.
Kawlmang te in mualtung miteng hong khenzan/ hongsat khap na thu neem dildial Census vai pen gampua pan in online khangthak ten simziahziah ahih zenzen hang in Zogam leh Kawlgam sung mun tuamtuam ah hih online thukizakna omlo, zekai ahih man in Zomi tampi lungka mahmah din mun tung ahihi cihi. Tua tawh kipawl in Gampua om Zomi leh Yangon. Madalay, Kalay Tamu te ah Pawlpi sia te leh Hausa te in hun zekai mahmah in omlai ahihi cihi.Azekai vai pen Journal nisim ngahlo' khasimtanlo thuluan zia akim theihma in Census kibawl ding ahihi. Hihthu mikim theihsak tel huai ahihi cih Khua Hausa te tungpan kiza ahihi.

D. Khuak gusim Khuak zuak kik.
Mihing khuak tangthukan na mun ah akikoih in namtuamtuam et thei ding akibawl Mihing khuak kigu sim a, online ah kizuak sim ahihi. Hih thu US Polic te'n amuh teh aleinuam kineih kham in azuak pa leh agu pa man kik ahihi.

Hau Thang

 


Comments




Leave a Reply