WWW.TUNGZANGNEWS.COM

 
A. Khumi Forum, Khumi's Future
Chin state sung pan, akhangkhia Zogam leitaw lam ah Khumi lai leh ngeina vaisai pawl in (ခူမီးတစ္မ်ိဳးသားလုံးဆုိင္ရာ ခူမီးဖုိရမ္) khat March kha kipatlam in neih sawm ahihi. Khumi Forum Organizing Committee-Yangon upa 11 khat tawh kipan khia zo ahihi. Forum pen Paletwakhuapi Kimo hall ah Marchkipat hunin bawl sawm uh a, Zogam Uliante pawl khat zong VIP ding in sap sawm uh ahihi.


B. Ltd. Colonel Meo Win Aung leh Ma Kee Thi Seo.
Kalay 228 ah Galkapmang Colonel Meo Win Aung in Jan 16 ni in Shin Hung Hotel Room 307 ahဒ Pagu khuapi aယ kumpi nasem Gankhawi nalam leh Tui lam vai sai Asst' Director nu it leh ngaih kineih khem in zi ding in hong teen pih ning ci in thumvei vilvel alumlet khit zawh a zingsang khuavak teh teen pih zolo ding ci kik ahihman in Asst' Director Ma Kee Thi Seo kum 25 in palik zum ah Colonel mat ding in lai khia ta hihi cihi.

C. Buddist Siampi khat Mandaly pan Rakhine dong akhe tawh pai.
Gam leh Nam vai in gilbeem om 33 azalen theih nading in Mandaly Maha mohnihbaayaa sang inn pan Jan 6 ni pan in Rakhine gam dong an nelo akhe bekbek tawh lampaipai a, lam pi ah avot leh tui bek adawn in antan zawh ni 14 pha zo ahihi cihi. Siampi pa lamdung ah khat in kem a, Gam leh Nam vai in gilbeem tang te ading alampai kawmkawm in thungen ahihicihi. Tu ciangciang lampi dung ah Galding maw? Lawm ding maw khat zong ka mu kei cih Siampi pa U Rakhanwuntah (ဦးရကၡဝံသ) gen khia cihi.

D. Mualtung mite zalen theih nading Parliament in thu nei pen.
Kawlgam singtang mualtung mite khantoh nading leh zalentheih nading in vai puak lian pen anei in Pyituh Lotdaw leh Amyotaa lotdaw te ahihi cih Thura Shwe Maan in gen khia ahihi cihi. Mualtung mite lungngulh ahi Federal zong Parliament te in thunei pen ahihi cihi. Tua man in Chin State ai awh in Parliament kah te in bang teng hiam athu sunsun uh mipi thei nuam ahihi.

E. Thai Lungphona hang in nikhat US$ 30 Million kisumh.
Thai lungphona hang in nisim in nakisem lo a, mimal sum lut ding leh kumpi siahpiak sum lut ding zekai in dangdaa ta ahihi. Tua man in nikhat in US$ 30 Million kisumh tuam ahihi. Tuaban ah Bomb puak in liam leh bai om aa, mimal 9 in sih lawh in 36 in liamnahi. Ahizong lungphona pen Yingluck akhawl masiahsiah zon tektek ding in mipi thahat tektek ahihi. Administration of Peace and Order (CAPO) in Lungphona kidawn ta peuh un cih thupia zo ahihi.

F. Yinduu Daa Social Organization Lungkimlohna om leuleu.
Chin state sung ah Dai/ Daa minam min kumpi Yinduu Daa in gel ahih man in lungkim lohna om ahihi. Tua man in (YDSO) makaipi Kauktu Naing Mana in Internet pan lungkimlohna phuang khia ahihi. Yinduu Daa Chin Ethnic people cih minsau zeza sang in Yinduu Daa minam pen Dai bek in gelh ding lungkim ahihi cihi. Minam (Yinduu Daa ) ban ah (Upu or Chinpon )၊ (Ng’yah ) (Dai or Daaktu )omlai ahihi. Cihnopna ah Chin bek gelh ding in Daa te lung kim zolo ahihi.

Hau Thang

 


Comments




Leave a Reply