WWW.TUNGZANGNEWS.COM

 
Tulaai Leitung Thuthang Tuamtuam updates Jan 17,2014

ZCD leh GZA te kigawm khawm in Yangon khuapi sung ah Zomi tawh kisai leh 2014 Census tawh kisai mipi maai leh thukan te maai ah thutaangkokhiat na khat January 17, 2014 ni in nei uha, mi 70 vaal pai in thukan 17 pai kilawh cing mahmah hi ci in ZCD GS Pu Gin Kam Lian in genkhia hi.


Ontungding jan 23-24 niciang Kawlpi ah Kawlpi ZCD te innteek sepna tawh ZCD khawmpi leh Zomi bup khawmpi kigawmkhawm in bawlding uha, ZYA in tanu seem in leitung muntuamtuam a om Zomi kheempeuh sam kawikawi uh cihthu kiza hi.

2014 Zomi namni ongtungding February khasung ah Zogam khuapi khat ahi TUithang khua ah nopci tak leh thupi tak in kibawlding a Leitung muntuamtuam pan Zomi makaai te ahithei zahzah pai in Sial vive kigoding hi cihthu kiza hi.

2013 Kum sung a Daw Aung San Suu Kyi in minphatna angah na The Act Of Killing akici Video limlah 2013 Leitungbup Video hoih kidemna ahoihpeente kipia Oscar minphatna piakding te lak ah kihelkha hi ci in a director pa in Jan 17,2014 ni in genkhia hi.

Kachin gam leh Rakhaing gam sung a om micimawh te huhnading in Dollar Awn 5 leh alang kipiakhia ding hi ci in UNO te in Jan 17,2014 ni in taangkokhia uhhi. Leitung a acimawh deuh gam 10 lak ah kawlgam akihel khakiau dan ahihi.

Rakhaing gam ah Jan 16,2014 ni in Rohingya kala teleh Palik te kikaal buaina piang a palik zalian khat hingman hi. Hih thutawh kisai in kawl kumpi te in bangmah buaina omkei cipong uh a, ahizong in US leh UN te in hihthu ah sinkham huai mahmah khading ci in alauthawnna uh Jan 17,2014 ni in taankokhia uhhi.

USA gam President Obama in NSA National Security Agency te in mipi thu kaai khawm in akepcip nasepna te uh naakpi tak in kikhiam tading hi ci in Jan 17,2014 ni in taangkokhia hi. Hih mun ah adiak in mipi te phone kihona kheempeuh zong anakeem anangaisim den uh ahihi.

Afghanistan gam Kabul khuapi sung aom Ansai khat migilo ten bomb tawh Jan 17,2014 ni in puakkham sak uh ahihman in mi 21 si a , asite lak ah Afghanistan kumpi lam zalian khat leh UN naseem mi 4 kihel uhhi.

India gam I Minister khat ahi Shashi Tharoor I azi Sunanda Pushkar Jan 17,2014 ni in Delhi khuapi sung aom Hotel sung khat ah asisa in kimu a,amah zong asinkham lua ahitam azi post mortem akibawlna zato mah ah damlo in tun thukin in kipuak hi.

India gam Mumbai khuapi sung aom Muslim te khalam a apa uh icidiam Siapa acidiam Syedna Mohammed Burhanuddin kum 102 Jan 17,2014 ni in si a misi luang ennuam Muslim mipi atul then asim kiphul ziahziah ahihman in mi 18 si in 40 vaal liam uhhi. Syedna Mohammed Burhanuddin Zing Jan 18 niciang kivui ding in ki ummawh hi.

Tutung a peen atuam deuh in Pdf tawh attach ah nasim sak un


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.com, Thang.pau@perdue.com
www.perdue.com , www.zomipau.wordpress.com

 


Comments




Leave a Reply