WWW.TUNGZANGNEWS.COM

 
A. Naypitaw leitang ah Zomi lutang ki phum

27th Sea Game ki mawl ding Zogam aitang in vaiding khia Tg Bia Suan Muang 29 Oct 2013 ni zan 12:30am in paina kitheilo azintunna pan in mangcip ahihi. Zogam ulian thunei te leh Kimawl na lam vaisai te in mimang peuhmah hong kin bawl saklo in kitheih mawh bawl in hong om ciang apian na pa tektek ( Bia Suan Muang pian na pa) Pu Pau Khua Mung in Naypyitaw khuapu Yuataw zintun na ah ni7 sung vilvel palik 500 tawh azon ciang in 27 Jan 2014 ni in asi sa in mu uh hihi. A kimuh na mun pen azin tun na nung lam 150ft kim bek gamla ahihi cih CW in gelh khia hi. Bia Suan Muang vai in aluang kimuh ma hun in Muizawl hausa Pa Mang Khan Piang in Zogam zumpi ah vakan ngei hi a, Zumpan in thu neilam te in bangmah thu kitel in gen kik na omlo ahihi cihi. Tu in ahih leh Naypyitaw leitang ah Zomi amasa pen leh tangthu ah amang ngeilo ding Tg Bia Suan Muang in kum 23 in leitang la in alu phum ahihi.

B. Union Minister U Ung Myint Paangbet ding angak hi ung ci

Gambup Mangputal U Ung Myint in gammi te din mun en ding Magwe va pai ahihi . Hamsatna te kipulak thei acih ciang in Khuamite in tuihoihlo in tuisiang neek ding dawn ding ahamsat na pualak uh ahihi. Tua leh U Ung Myint in ken tua zahzah ding sum pua kei ing adang hong gen un ci hiau ahihi. Khua mi te in Nang sum zek ding ki ci kei' Gambup sum zeek ding hilo ahihiam? cita hihi. Internet ah athu gen khempeuh ki khah khia leuleu a, Internet pan in akikhah khia thute athei kha Yangon om khuami te in Bandulah ah lungphona nei uh ahihi. U Ung Myint in agen na ah Gam leh nam ading in akipan Politician te thupi ngaihsut kullo, gilbem khum ding' Amun aphual pai in paangbet ding ahihi ci ahihi. Tua man in U Ung Myint Gambup Mangputal din mun pen Inn10 Hausa te thu gen zong banlo ci'n Lungphona neite in U Ung Myint Paang betangak in Yangon ah om 3 Jan 2014 in lungphona om ahihi.

C. Million Shwe sai leh Nahga Shwe sai kiluh

Mogok khuapi om Million Shwesai leh Nahga Shwe sai 21 Jan 2014 ni in Cycle 3 tawh atung tuang khang no mimal 6 in valuh uh ahihi. Million Shwesai pan in Shwe ( Khamh) Tawi 2 leh Nahga Shwe sai pan in Shwe ( Khamh) Tawi 4 akigawm tawi 6 valut sak uh ahihi. Tua thu tawh kipawl in Shwe sai nasem U Than Bahadur in sih lawh ahihi. Tu in guta buh khangno 3 kiman zo a, Mogok khuapan khangno nih leh Taanai khuapan khang no khat kihel ahihi cih Palik Mang putal Khin Aung in gen khia hi.

D. Gambup thukhun bawl pha ding mi 31 kitel khia

Kawlgambup thukhunpi bawl pha ding in Committee khat' 2 Jan 2014 in Paliament pan vai ding khia sak ahihi. Tua sung ah USDP party pan 14, Galkap lampan in 7 leh NLD pan 2, adang party tuamtuam pan mi mal 8 avek pi kingawm in 31 khat in Kawlgambup thukhunpi Constitution bawlpha ding in kipsak na nei ta ahihi. Chin State pan in CPP party pan khat kihel ding ahihi.

E. Mizo buhtang te tamman thei pen in Kumpi leisak ding

Mizo gamsung singtang lokho te tung pan in Mizo buhtang te kumpi in atam man thei pen leh Mipi in aleizawh pen thei ding in lokho te tung pan kumpi leisak ding ahihi cih Mizoram Food, Civil Supplies & Consummer Affairs minister, John Rotluangliana in gen khia ahihi. Tua man in kumsim in Mizogam lokho te tha ngah huai mahmah ahihi cihi. Vaibuh sang in Mizo buh pen liimzaw in namtui zaw a, cidam nataw kituak in tha zong om zaw ahihi cih in mipi te tha pia mahmah hi.

F. Anhuan nuamlo Apasal' Azi in tem tawh sat giap

Kawlgamsung TaihKyi khuapi huam' Sapaakai khawk' Letpaankung khua teeng U Kyaw Lwin Oo kum 49 pen azi Ma Tin Ma Win Kum 42 in 2 Jan 2014 ni zinglam 10:00am in zing an huan in sawl ahihi. U Kyaw Lwin Oo in zing an huanlo in ankhingsa teng kanbawl ziau in koih ahihi. An nek hun teh azi in ane ding in an bel en leh an ihuanlo a, bang ding an na huanlo ci hituak hi. U Kyaw Lwin Oo in Ahuan kei mah ing ankan sa om nane in acih leh azi ( Ma Tin Ma Win ) asinso in apasal namtemsau pi khat sat giap ahih na thu Myo nee Palik mangpa Than Oo in thuthang ah gen khia hi.

Hau Thang

 


Comments




Leave a Reply