WWW.TUNGZANGNEWS.COM

 
Picture
A. Thai gam om nasem te Visa bei kiman leuleu

Thaigam sung ah kumli cing khin visa beite Nasep kikhawlsak in pawl khat kiman ahihi. Tukum Jan leh Feb hunsung in Visa beikhin nasem te 10000 om a, kum bei hun ah visa bei ding 1700000 om ding ahihi. Tua man in Visa bei te in abawl phat nading in nasep zong vaipuak nei te tung pan kithei khia ahihi. Tulai tak pen Thai gam zong kumpi lam vai siangtho thei taktak nailo ahih man in Visa azom lo kitam mahmah aa, gamgi ah zan khat tam in kum nih sung ah' nih vei kum li om theihna kisem ahihi cih U Kyaw Kyaw Lwin in gen khia hi.

B. 67 kumcin Gambup ni kibawl

A 67 kumcin Kawlgam bup ni Feb buary 12 kibawl zelzel ahihi. Ahinghang in Pinglong Agreement bangtaktak in gam mimal thukimna tawh kiuk na om nailo ahihi cih UNFC pan thu nei khat in gen khia hi. Tua ban ah KIA pan in Majar Genneral Gun Maw in Federal kiuk na cih pen gambup pan in pua phial khiatna hilo in Pinglong Agreement diktaktak hi zaw ahihi cih tangko khia ahihi.

C. Kawlgam Matpongten tungah Biakna leh Minam kihel lo ding

Kawlgam sung Matpongtin tung ah Minam leh Biakna min kigelh nawn lo ding ahihi cih Misim Mangputal Khin Yii in gen khia zo ahihi. Ahizong Mon makai Naing Ngwe Thein in agen kik na ah gam mite deih na bang in bawl ding ahihi ci in dawng kik ahihi cihi.

D. Wa galkap 30 in galvanleng hawl sin tading

Shan gamsung ah galkap kipawlna nam tuamtuam te sung pan in Wa minam te neih galkap 30 in galvanleng hawl kisin ding China gam ah kuan khia ding ahihi cih wa tawh kinai thukan te tung pan kiza khia ahihi cihi. Jane Intelligence Review in agelhna ah Chiina te in wa te tung ah Mil Mi-17 ‘Hip’ vanleng pia ngei ahihi cih tangko khia ngei a, Wa te in vanleng nih peuhmah nei ding ahihi cihi. Wa te in galkap 25000 kim nei ahihi cihi.

E.Mizoram Biate ah Niangteh pawibilkham ding

Mizoram sung ah Niangteh nasiatak in akiciin na Biate ah hongtung ding 21 Feb 2014 ni in Ningeh pawi bilkham ( Biate Thingpui kut) bawl ding ahihi. 1935 kumpan kipan Biate khua ah Niangteh ciin kipan hi a, Kumpi in pan pih mahmah ahih man in Niangteh kung bekbek 3500000 val om zo ahihi cihi.

Hau Thang




 


Comments




Leave a Reply