WWW.TUNGZANGNEWS.COM

 
A. Mandaly zatopi ah gilkimat naupeeng suak.


17 Feb 2014 ni nitaak lam daak 7:00pm hun in Mandaly zatopi ah gilkimat naupeeng suak cih kiza ahihi. Hih naupeeng pen Yii Oo myone , Yeeyahwathy khuami U Kyaw Nyaing leh Daw Aye Mya Mon te nupa sung pan anih veina tano te ahihi cihi. Kawlgam ah naupeeng gilkimat aguk vei suah na hita ahihi cih thuthang in gelh khia hi.

B.Census hun ah' Phakanh, Namtu, Tachileih, Om Zomi te

Hongtung Kawlgambup misim nading hun ah Zomi sumzong ateengtulsuak ahi Phakanh, Namtu, Bawdwin, Tachileih om Zomi te koicibang in kua in makaih in Zomi cih 914 ah kikhum ding cih tudong ciangciang thu kizak na omlo ahihi cihi.

C. Zomi Nam Ni' Zogam bup Kumpi zum kikhak ding.

A(66) kumcin Zomi Nam Ni 2014 Febuary 20 ni pan kipan Zogam kumpi zum leh Siamsinna sang te kumsim in khak ta ding ahihi cih min gen lo kumpi nasemte tung pan kiza ta ahihi. Ahizong Kalay University siamsin te' Laihilh siate leh Zomi kumpi nasem pawl khat te tungsiah lampan in zum khak ding kigenkhol ngeilo ahih man in Zominam ni Feb 20 nisim zumkipai loziau lel ahihi cihi.

D. CNF in Census vai lungkimlohna leh ni 30 khintoh ding deih.

Hong tungding Kawlgambup mikisimna March 30 pan April ni 2 nidong kikal mikisim nading ah CNF in lungkimlohna leh ani khintoh ding deih ahihi. Lungkimlohna thupawl khat ah Zogam ah minam 53 akoihna, Code piakna leh Chin code leh adang 52 te code akikim ahih te diksak loh na om ahihi. Chin code leh Zo code,kikim kibang, Chin code leh Khumi, Ngron, Guite, Tedim code atun kibang, aza kikim asangzaw aniamzaw peng omlo ahihi. Tua man in kumpi tung ah ni 30 khintoh ding in Feb 10 nget nalai pah zouh ahihi KNT in kicingtak in gelh khia hi.


*Laigelh pa muhna ah bel code 53 tung ah aomding minam min pi in( Zomi) hi in'kigawmna code ding in 914 ahihna Pu Gin Kam Lian in Mangputal U Khinyii adot hun in Other ah Zomi gelh ding athupiak kiau na in 53 te sang thupi zaw ahih na Nampi min Zomi kilang sak kasa mahmah hi.

E. Kachin Suanghing pi kila khia ta.

Kachin gam Phakanh ah akimu thak Suang Hing pi kila khia ahihi cih BBC in gen khia ta ahihi. Hih SuangHing pen akilak khiatma in Ton 37 kim gik thei ding um mawh hi a, Tu in abulompi in Ton 50 kimgik ding ahihi ci leuleu uh hi.

Hau Thang

 


Comments




Leave a Reply